როგორ მოკლეს გიორგი შაქარაშვილი, პროკურატურა ახალ დეტალებს ასაჯაროვებს!

როგორ მოკლეს გიორგი შაქარაშვილი, პროკურატურა ახალ დეტალებს ასაჯაროვებს!


loading...

გარდაცვილი გიორგი შაქარშვილის საქმეზე პროკურატურა ახალ დეტალებს ასაჯაროვებს. მათი ინფორმაციით, გიორგი შაქარაშვილი გაქცევისას ხიდის ორივე მხრიდან თავდამსხმელებს შორის მოექცა, რამაც მას თავისუფალი გადაადგილების შესაძლებლობა მოუსპო. უწყების ცნობითვე, გარდაუვალი ანგარიშსწორების თავიდან აცილების მიზნით გიორგი შაქარაშვილი იძულებული გახდა გზის მარცხენა მხარეს არსებულ ხევში ჩასულიყო, სადაც მას ჩაჰყვა ხუთი თავდამსხმელი. წყლის ნაპირთან შაქარაშვილი სასტიკად სცემეს და ნაცემი მდინარე არაგვში ჩააგდეს, რის შედეგადაც ის გარდაიცვალა.

ეს პირები იყვნენ: ვახტანგ ჩიქოვანი, არჩილ გაგნიძე, ნიკოლოზ რევაზიშვილი, არასრულწლოვნები ა.ქ. და ზ.ხ.
19 ივნისს წვეულებაზე მომხდარი ფიზიკური დაპირისპირების შედეგად ნაცემი ვახტანგ ჩიქოვანი, წამოვიდა თბილისში ნაძალადაევის რაიონში დამატებითი ძალების მობილიზებისთვის ანგარიშსწორების მიზნით. ამავე დროს, წვეულებიდან წამოსული გიორგი შაქარაშვილი და მისი მეგობრები თბილისის მიმართულებით მოძრაობდნენ, მათ ფეხდაფეხ მოჰყვებოდა წვეულებიდან წამოსული ორი პირი, რომელიც თბილისში მყოფ ჩიქოვანს და მის თანხმლებ პირებს პერიოდულად ინფორმაციას აწვდიდნენ.

არაგვის ხიდთან შაქარაშვილს და მის მეგობრებს გზა გადაუჭრა ვახტანგ ჩიქოვანის კუთვნილმა ტოიოტა ქემრის მარიკის ავტომობილმა. შაქარაშვილი და მისი მეგობრები ავტობანის მიმართულებით გაიქცნენ, გიორგიმ გადაუხვია ხიდის ქვეშ გამავალ მეორეხარისხოვან გზაზე, მას ფეხდაფეხ მიჰყვა სამი თავდამსხმელი ხოლო ორმა შემხვედრი მიმართულებით გზა მოუჭრა. შაქარაშვილი ხიდის ქვეშ აღმოჩნდა პირისპირ თავდამხსმელებთან, რის გამოც ჩაირბინა ბილიკზე, რომელიც ჩადიოდა მდინარე არაგვთან, მას მიჰყვნენ თავდამსხმელებიც.
რადგანაც შაქარაშვილს წყლის შიში ჰქონდა, ის არაგვის ნაპირთან გაჩერდა და წინსვლა ვეღარ შეძლო, სადაც თავდამსხმელებმა იგი სასტიკად სცემეს, მკვრივი ბლაგვი საგნით, რაც შეიძლება ყოფილიყო რკინის ხელკეტი, ქვა ან ფეხი. სასტიკად ნაცემი გიორგი შაქარაშვილი თავდამსხლებმა მდინარე არაგვში გადააგდეს, რის შედეგადაც ის გარდაიცვალა.

იურისტი და უფლება დამცველი ლია მუხაშავრია „რეზონანსთან" საუბრისას ამბობს, რომ პროკურატურის ამ განცხადებამ კვლავ პასუხგაუცემელი შეკითხვები დატოვა.

„ახლაც მიჩნდება ის შეკითხვა, რაც ამ საქმის პირველივე ეტაპზე მიჩნდებოდა. გიორგი შაქარაშვილს არ მიუღია მონაწილეობა აგარაკზე გამართულ პირველ ჩხუბსა და ინცინდენტში. რატომ გამოეკიდნენ ამ ჯგუფს და რატომ დაესხნენ თავს მაინც და მაინც მათ, ჩემთვის ცოტა გაუგებარია. გიორგის რატომ ერჩოდნენ ასე სასტიკად, რატომ გაუსწორდენენ მას, სხვებიც იყვნენ მასთან ერთად და ასეთი სისასტიკე პერსონალურად მხოლოდ მისი მიმართულებით რატომ იყო გამოყენებული გაუგებარია", - ამბობს მუხაშავრია.
ტოიოტა ქემრის 5 მგზავრს ბრალი დაუმძიმდა, მათ გამოძიება განზრახ ჯგუფურად ჩადენილ მკვლელობას ედავება. მუხაშავრიას თქმით, ხუთივე პირი ერთნაირად ვერ იქნება შაქარაშვილის მკვლელობაში დამნაშავე. ამიტომ საჭიროა მათი ბრალეულობის ინდივიდუალიზაცია.
„მე მართლა ვფირქობ, რომ ხუთივე ერთანირად ვერ იქნება დამნაშავე გიორგის მკვლელობაში. შეიძლება ხუთივემ სცემა, მაგრამ წყალში გადაგდებისას ხუთივე ერთნაირად ვერ მოიქცეოდა, იქ როლები ალბათ სხვადასხვანაირად იყო. შესაბამისად მათი წვლილი გიორგის სიკვდილში სხვადასხვაა. ამიტომ, ინდივიდუალურად უნდა მოხდეს მსჯელობა. ყველა ერთბაშად და ერთნაირად ვერ იქნება დამნაშავე.
„თავიდანვე ძალიან ბევრი მომენტი და ნივთმტკიცების მოპოვების შესაძლებლობა იყო ხელიდან გაშვებული. ალბათ ეს განაპირობებს კიდეც იმას, რომ ინდივიდუალიზაცია ვერ მოხდება ამ 5 პირის მიერ ჩადენილ დანაშაულში. ჩვენ ვიცით, რომ ის ტერიოტორია სადაც მოხდა დაპირისპირება, არ იყო დაცული, არ ყოფილა ნივთმტკიცებები თავიდანვე მოპოვებული, ამიტომ ძალიან გაჭირდება ინდივიდუალურად ვინმესთვის ბრალის დამტკიცება, კონკრეტულად ვინ, რა და როგორ ჩაიდინა", - თქვა ლია მუხაშავრიამ „რეზონანსთან".
გთავაზობთ, პროკურატურის მიერ გავრცელებულ განცხადებასაც:

„საქართველოს გენერალურმა პროკურატურამ გიორგი შაქარაშვილის დამამძიმებელ გარემოებებში განზრახ მკვლელობის ბრალდებით სისხლისსამართლებრივი დევნა ხუთი პირის მიმართ დაიწყოსაქართველოს პროკურატურის და შინაგან საქმეთა სამინისტროს მიერ ერთობლივად წარმოებული გამოძიების შედეგად მოპოვებული მტკიცებულებების საფუძველზე, დადგენილ იქნა, რომ 2020 წლის 18 ივნისს, დაახლოებით 23:00 საათზე, მცხეთაში მდებარე აგარაკზე, დაბადების დღის აღსანიშნავად გამართულ წვეულებაზე მყოფ სტუმრებს შორის დაწყებული ურთიერთშელაპარაკება ფიზიკურ დაპირისპირებაში გადაიზარდა, რა დროსაც წვეულებაზე სცემეს და ჯანმრთელობის დაზიანებები მიაყენეს ვ.ჩ.-ს.

„ვ.ჩ., თვლიდა რა საკუთარ თავს კონფლიქტში დაჩაგრულად, მოწინააღმდეგე მხარეზე შურისძიებისა და ანგარიშსწორებისათვის დამატებითი ფიზიკური ძალის მობილიზების მიზნით, დაბრუნდა თბილისში, ნაძალადევის რაიონში. წვეულების ადგილზე დარჩა ვ. ჩ.-ს ორი მეგობარი, რომლებიც პერიოდულად აწვდიდნენ ინფორმაციას მოწინააღმდეგე მხარის ადგილსამყოფელის შესახებ.
„თბილისში დაბრუნებისთანავე, ვ.ჩ. დაუკავშირდა მის მეგობრებს და 19 ივნისის დაახლოებით 00:30 საათისათვის, მერსედესის მარკის და ვ.ჩ.-ს კუთვნილი ტოიოტა ქამრის მარკის ავტომანქანებით გაემართნენ მცხეთის მიმართულებით.

„მომხდარი ფიზიკური დაპირისპირების გამო, დაბადების დღეზე მყოფი სტუმრების უმრავლესობამ დატოვა აგარაკის ტეორიტორია. მათ შორის იყო გიორგი შაქარაშვილიც, რომელიც წვეულებაზე მყოფ სხვა პირებთან ერთად, ფეხით გაემართა თბილისის მიმართულებით. მათ ფეხდაფეხ მიჰყვებოდა და უთვალთვალებდა ვ.ჩ.-ს ზემოხსენებული ორი მეგობარი. მათი მითითებით, მერსედესის მარკის ავტომანქანით ნაძალადევის რაიონიდან მცხეთაში ჩასული პირები გაემართნენ გიორგი შაქარაშვილის და მასთან ერთად ავტობანზე ფეხით მოძრავი პირებისაკენ.
დაახლოებით 00:47 საათზე, არაგვის ხიდთან მდებარე ავტო-სამრეცხაოს მიმდებარე ტერიტორიაზე, მერსედესის მარკის ავტომაქანაში მყოფი პირები თავს დაესხნენ გიორგი შაქარაშვილს და მის თანმხლებ პირებს. თავდამსხმელებს ასევე შეუერთდნენ ვ. ჩ.-ს ზემოხსენებული ორი მეგობარი.

ავტომანქანიდან გადმოსულმა პირებმა ფიზიკური შეურაცხყოფა მიაყენეს გიორგი შაქარაშვილთან ერთად მყოფ პირებს, ხოლო გიორგი შაქარაშვილმა გაქცევით დააღწია თავი ძალადობას. ფიზიკური ძალადობა გაგრძელდა რამდენიმე წუთი, რის შემდგომაც თავდამსხმელებმა ავტომანქანით დატოვეს შემთხვევის ადგილი.
„პარალელურად, ტოიოტა ქამრის მარკის ავტომანქანით ვ.ჩ.-სთან ერთად მყოფი პირები კონფლიქტში მონაწილე მოწინააღმდეგე მხარის წარმომადგენელთა მოძიების მიზნით გაემართნენ აგარაკისაკენ. ვინაიდან მათ აგარაკზე მოწინააღმდეგეთაგან არავინ დახვდა, ტოიოტა ქამრი გამოემართა თბილისის მიმართულებით.

„გიორგი შაქარაშვილი და მასთან ერთად მყოფი პირები, რომლებიც ჯგუფური ძალადობის ორგანიზატორთათვის ასოცირდებოდნენ მოწინააღმდეგე მხარის წარმომადგენლებთან, ფეხით განაგრძობდნენ გზას თბილისისაკენ, რა დროსაც მათ გზა გადაუჭრა აგარაკიდან წამოსულმა, ვ.ჩ.-ს კუთვნილმა ტოიოტა ქამრის მარკის ავტომანქანამ, რომელსაც მისი მეგობარი ვ.მ. მართავდა.
გაჩერებისთანავე, ავტომანქანიდან, ვ.ჩ.-სთან ერთად გადმოვიდნენ ვ.მ., ნ.რ., ა.გ., ზ.ხ., ა.ქ. და გაეკიდნენ გიორგი შაქარაშვილს და მისი თანმხლებ პირებს, პარალელურად აყენებდნენ სიტყვიერ შეურაცხყოფას.
მოსალოდნელი ძალადობისგან თავის დაღწევის მიზნით, გიორგი შაქარაშვილი და მასთან ერთად მყოფი პირები გაიქცნენ ავტობანზე არაგვის ხიდისკენ დასავლეთის მიმართულებით, გადაირბინეს არაგვის ხიდი, გადაკვეთეს საავტომობილო გზა და სირბილი განაგრძეს დასავლეთის მიმართულებით.

გიორგი შაქარაშვილის თანმხლები პირი გ.ქ., რომელიც იყო ნაცემი, თავდამსხმელებისაგან თავის დაღწევის მიზნით, საავტომობილო გზაზე მოწყობილი ბეტონის გამყოფი ზოლის გადაკვეთის შემდეგ, დაიმალა გამყოფ ზოლში არსებულ ნარგავებში.
ამავდროულად, საავტომობილო გზა გადაკვეთეს, მეორე მხარეს გადავიდნენ და გიორგი შაქარაშვილის და მასთან ერთად მყოფი პირების დევნა განაგრძეს თავდამსხმელებმა ვ.ჩ.-მ, ა.ქ.-მ და ზ.ხ.-მ. დასავლეთის მიმართულების საავტომობილო გზის ნაპირზე არსებული ფერადი შენობის მიმდებარე ტერიტორიასთან მიახლოებისას, გიორგი შაქარაშვილმა და მასთან ერთად მყოფმა ვ.ა.-მ სირბილი განაგრძეს გზის მარჯვენა მხარეს ხიდის ქვეშ გამავალ მეორეხარისხოვან გზაზე, ხოლო გიორგი შაქარაშვილის მეგობარი გ.ა. გაიქცა ზემოაღნიშნული შენობის მიმართლებით და დაიმალა მის უკან არსებულ ბუჩქებში.

გიორგი შაქარაშვილს და ვ.ა.-ს იმავე მიმართულებით გაეკიდნენ ვ. ჩ., ა. ქ. და ზ.ხ., ხოლო ა. გ.-მ და ნ. რ.-მ, რომლებიც იმყოფებოდნენ აღმოსავლეთის მიმართულების საავტომობილო გზის მხარეს, განაგრძეს სირბილი გზის მარცხენა მხარეს არსებულ მეორეხარისხოვან გზაზე იმ მიზნით, რომ პირისპირ დახვედროდნენ იმავე გზაზე საპირისპირო მხრიდან გამოქცეულ პირებს და გზა გადაეღობათ მათთვის.
ვ.ა. მეორეხარისხოვან გზაზე სირბილისას დაიმალა გზის პირად არსებულ ბუჩქებში, გიორგი შაქარაშვილმა კი განაგრძო გადაადგილება. როდესაც გიორგი შაქარაშვილი მიუახლოვდა მეორეხარისხოვანი გზის იმ მონაკვეთს, რომელიც არაგვის ხიდის ბურჯებს შორის გადის, საპირისპირო მიმართულებიდან მას გზა გადაუღობეს ა. გ.-მ და ნ. რ.-მ.
„გაქცევისას, გიორგი შაქარაშვილი ორივე მხრიდან მოექცა თავდამსხმელებს შორის, რამაც მას მოუსპო თავისუფალი გადაადგილების შესაძლებლობა და გარდაუვალი ანგარიშსწორების თავიდან აცილების მიზნით იძულებული გახდა ჩასულიყო გზის მარცხენა მხარეს არსებულ ხევში, სადაც მას ჩაჰყვა ხუთივე თავდამსხმელი.

ხევში არსებული ბილიკის ბოლოს გიორგი შაქარაშვილი მივიდა მდინარე არაგვის ნაპირთან და ვინაიდან ცურვის არცოდნის გამო აღმოჩნდა მისთვის გადაულახავი ბუნებრივი წინაღობის - მდინარის წინაშე, ვეღარ შეძლო გაქცევა.
ამ ვითარებით ისარგებლეს თავდამსხმელებმა და გიორგი შაქარაშვილს მიაყენეს დაზიანებები თავის, ორივე თვალბუდის, ზედა და ქვედა ტუჩების მიდამოებში, მარჯვენა იდაყვის სახსრისა და მარჯვენა წინამხრის მიდამოებში, აგრეთვე მუცლის, საზარდულის, ბოქვენის, წელისა და ორივე დუნდულოს მიდამოებში. სასტიკად ნაცემი გიორგი შაქარაშვილი თავდამსხმელებმა გადააგდეს მდინარე არაგვში, რის შედეგადაც ეს უკანასკნელი გარდაიცვალა.

„სასამართლო-სამედიცინო ექსპერტიზის შუალედური დასკვნით გამოირიცხა გიორგი შაქარაშვილის სხეულზე არსებული დაზიანებების ასფალტირებულ გზაზე, ჩანთის აღმოჩენის ადგილამდე ფერდობზე მიმავალ ბილიკზე, მდინარის კალაპოტის მონაკვეთზე დაგორება - დაცურებით, წაქცევა-დაცემით ან რაიმე მკვრივ-ბლაგვ საგანზე ხახუნით ან თრევით, ასევე დაახლოებით 15.../25... მეტრი სიმაღლის ხიდიდან თავისუფალი ვარდნის შემდეგ, წყალზე დაცემის ან წყალში ჩავარდნის შედეგად, ერთობლივად განვითარების შესაძლებლობა.
„ექსპერტიზით დადგინდა, რომ გიორგი შაქარაშვილის სხეულზე არსებული დაზიანებები განვითარებულია რაიმე მკვრივი-ბლაგვი მატრავმირებელი საგნების ზემოქმედებით, როგორიცაა ხელკეტის მსგავსი საგანი, ფეხი, ქვა, მუშტი.
„ხუთივე თავდამსხმელის მიმართ სისხლისსამართლებრივი დევნა დაიწყო სისხლის სამართლის კოდექსის 109-ე მუხლის მეორე ნაწილის „ე" ქვეპუნქტით გათვალისწინებული დანაშაულის ჩადენისათვის, რაც სასჯელის სახედ და ზომად 13-დან 17 წლამდე თავისუფლების აღკვეთას ითვალისწინებს.

„გამოძიებით დადგენილია, რომ დაბადების დღის აღსანიშნავად გამართულ წვეულებაზე განვითრებულ კონფლიქტთან დაკავშირებით, 19 ივნისის ღამით, თბილისიდან მცხეთის მიმართულებით გაემართა სულ 8 ავტომანქანა, მათგან სამი საბურთალოს რაიონიდან, ხოლო ხუთი - ნაძალადევის რაიონიდან.
ჩატარებული გამოძიების შედეგად მოპოვებული ვიდეოჩანაწერების და მობილური კავშირგაბმულობის ოპერატორებისაგან გამოთხოვილი ინფორმაციის შესწავლის შედეგად უტყუარად დგინდება, რომ გიორგი შაქარაშვილის განზრახ მკვლელობის დროს, შემთხვევის ადგილზე იმყოფებოდა ტოიოტა ქამრის მარკის ავტომანქანა და დანაშაულის ჩადენაში მისი მგზავრები მონაწილეობდნენ", - ვკითხულობთ პროკურატურის განცხადებაში.

წყარო - resonansdaily.ge




{login}

Твой комментарий..

reload, if the code cannot be seen
მსგავსი სიახლეები
loading...