“ასე ერთსულოვანი არც ხალხი ყოფილა და არც დემოკრატიული მსოფლიო!” – ნიკა მელია

სააგენტო "პარალელი"
“ასე ერთსულოვანი არც ხალხი ყოფილა და არც დემოკრატიული მსოფლიო!” – ნიკა მელია

“კოალიცია ცვლილებებისთვის” ერთ-ერთი ლიდერი, ნიკა მელია, სოციალური ქსელის მეშვეობით საზოგადოებას მიმართავს და ქვეყანაში მიმდინარე პროცესების შეფასებას ახდენს:

“აღარ გჯერა გამარჯვების თუ უბრალოდ დაიღალე?

თუ ამ 2 თვის წინ გამარჯვების გჯეროდა და დღეს აღარ გჯერა, ცოტა არ იყოს და ლოგიკას მოკლებულია ეს.

2 თვის წინ არც სანქციები იყო ამოქმედებული და არც ქართველ ხალხს არ ჰქონდა ნაჩვენები უმაგალითო ბრძოლის მაგალითი – აგერ 2 თვეზე მეტი რომ გრძელდება.
და ახლა რაღატომ არ უნდა გჯეროდეს გამარჯვების?

მითუმეტეს აღარაფერს ვამბობ იმ პერიოდზე, როცა არც ხალხში იყო ეს მუხტი და არც დასავლეთი არ იყო მკაცრი ამ რეჟიმის მიმართ. მაშინ რის იმედად იყავი? და ახლა რანაირად აღარ უნდა გქონდეს იმედი როდესაც ცალკე აქ დუღს ქვეყანა და ცალკე საერთაშორისო საზოგადოება დუღს ამათ წინააღმდეგ?

ახლა, თუ უბრალოდ დაიღალე, და დასვენება გინდა და ამის თქმა გეუხერხეულება და გინდა ეს ისე შეფუთო და გაასაღო რომ მაინც ვერ გავიმარჯვებთ და გაჩერება სჯობს – ეს სხვა ამბავია და არ მგონია სინდისიერი იყოს.

რაც “ოცნება” მოვიდა, ასეთ მძიმე ვითარებაში ისინი არასდროს არ ყოფილან.

ასე ერთსულოვანი არც ხალხი ყოფილა და არც დემოკრატიული მსოფლიო!

გავიდეთ რუსთაველზე! შევხვდებით ყოველდღე რუსთაველზე! ყოველდღე გამარჯვებამდე!” – წერს ფეისბუქის პირად გვერდზე ნიკა მელია.

“ასე ერთსულოვანი არც ხალხი ყოფილა და არც დემოკრატიული მსოფლიო!” – ნიკა მელია
პარალელი