“ახალი თაობის ევრობიუროკრატიას საქართველოს მიმართ უცნაური რეფლექსიები ჩამოუყალიბდა. მათი სახელია ორმაგი სტანდარტები” – ზაალ ანჯაფარიძე

სააგენტო "პარალელი"
“ახალი თაობის ევრობიუროკრატიას საქართველოს მიმართ უცნაური რეფლექსიები ჩამოუყალიბდა. მათი სახელია ორმაგი სტანდარტები” – ზაალ ანჯაფარიძე

ანალიტიკოსი ზაალ ანჯაფარიძე კრიტიკული შეფასებებით ეხმაურება ევროკომისიის ვიცე-პრეზიდენტ კაია კალასისა და გაფართოების საკითხებში ევროკომისარ მარტა კოსის ერთობლივ განცხადებას:

“ევრობიუროკრატია არ იცვლება. ახალი თაობის ევრობიუროკრატიას კი საქართველოს მიმართ ერთი შეხედვით უცნაური რეფლექსიები ჩამოუყალიბდა. მათი სახელია ორმაგი სტანდარტები.

ევროკავშირის ორი ახალი ევროკომისარის კაია კალასის და მარტა კოსის დღევანდელი მოწოდებები საქართველოსთან დაკავშირებით, სწორედ ამ ორმაგი სტანდარტების დასტურია.

თითქოს copy-paste აქვთ გადმოღებული აქაური ენჯეოების და ოპოზიციის ნარატივებიდან“, – წერს ფეიისბუქის პირად გვერდზე ზაალ ანჯაფარიძე.

ინფორმაციისთვის: საქართველოში შექმნილ მდგომარეობასთან დაკავშირებით ერთობლივი განცხადება გაავრცელეს კაია კალასმა და მარტა კოსმა, სადაც საპროტესტო აქციების მონაწილეების წინააღმდეგ ძალადობაზე, მედიამენეჯერ მზია ამაღლობელის გათავისუფლებაზე და სხვა საკითხებზე გაამახვილეს ყურადღებას:

“მოვუწოდებთ საქართველოს ხელისუფლებას, გაათავისუფლოს უსამართლოდ დაკავებული ყველა ჟურნალისტი, აქტივისტი და პოლიტპატიმარი. ჩვენ მოვუწოდებთ ხელისუფლებას, უზრუნველყოს დიალოგი ყველა პოლიტიკურ ძალასთან და სამოქალაქო საზოგადოების წარმომადგენლებთან. ნდობისა და დიალოგის აღდგენისთვის არცერთი ვარიანტი არ უნდა გამოირიცხოს“, – ნათქვამია გავრცელებულ განცხადებაში.

“ახალი თაობის ევრობიუროკრატიას საქართველოს მიმართ უცნაური რეფლექსიები ჩამოუყალიბდა. მათი სახელია ორმაგი სტანდარტები” – ზაალ ანჯაფარიძე
პარალელი