“ბოლო არჩევნებზე ოპოზიცია არ იყო მზად, მოქალაქეებს სულ სხვა რამ ვუთხარით 8 საათამდე” – ცოტნე კობერიძე

გირჩი მეტი თავისუფლების ყოფილი წევრი, ცოტნე კობერიძე პალიტრანიუსთან, ამბობს:

ზურა ჯაფარიძის პოზიცია იყო დიდი ერთობისკენ მიმართული, ამ პოზიციის გამზიარებელი კოალიციაში ელენე ხოშტარიას გარდა ნიკები [გვარამია და მელია] ნაკლებად იყვნენ, საჯაროდაც არ იყო დიდი ერთობა. ცდილობდნენ კოალიციის, როგორც დამოუკიდებელი სუბიექტის როლი წინ წამოეწიათ, რომ ის არის პირველადგილოსანი. ბოლო ხანებში მივხვდი, რომ ამორფულ სიტუაციაში ვიყავი, უნდა მესაუბრა იმაზე, რისიც მე თვითონ არ მჯეროდა.

პირველი განსხვავება ეს არის არჩევნებთან დაკავშირებით შეფასებები.

მე ვიცი ამ ქვეყანაში არჩევნები როგორ ტარდებოდა. ვიცი 2018 წლის მეორე ტური, ამას მე ვხედავდი, მათ შორის, საჯაროდ მოსყიდვა რომ იყო, ვალებს გაგისტუმრებთო, ასეთი არც მანამდე და არც მის მერე ასეთი თავხედური არაფერი მინახავს. ოპოზიციის მესიჯი იყო, რომ ამის მიუხედავად, ჩვენ გავდივართ არჩევნებზე და თუ გვექნება დიდი უპირატესობა, როგორც წინა ხელისუფლება, არსებულიც ასე შეიცვლება. თუ იქნება 2 მილიონზე მეტი ადამიანი ეს იმას ნიშნავს, რომ გამოვიდა ოპოზიციის ამომრჩეველი. მაშინ პირველ ტურში ცოტა ხალხი მივიდა და ოპოზიციამ მოიგო. მეორე ტურში მობილიზაცია იყო ბევრი, აღმოჩნდა, რომ როცა ეს ხდება ე.ი. ქოცების ექსელის ფაილმა იმუშავა.

ამ ბოლო არჩევნებზეც, ოპოზიცია არ იყო მზად, მოქალაქეებს სულ სხვა რამ ვუთხარით 8 საათამდე.

ჩემთვის ოცნების ხმების ნაწილზე უფრო პრობლემური იყო ოპოზიციის მიერ მიღებული ხმები.  თუ ხმების ზრდა არ ხდება პრობლემაა და გაძლევს იმის ფიქრის საშუალებას, რომ ვაი და ხვალ ბიძინა რომ გამოვიდეს და არჩევნები ჩანიშნოს იგივე შედეგი თუ იქნება, მაშინ რას ვაკეთებთ? ამის გააზრება არ ხდება, ჩემთვის არის პრობლემა და მაწუხებდა, რომ რაღაც თუ არ შევცვალეთ და იგივე ვაკეთეთ არაფერი შეიცვლება, არჩევნების შემდეგ ვაკეთებთ იმავეს.

ცნობისთვის, 3 მარტს, ცოტნე კობერიძემ, ბორის ჩელე ყურუამ და ბადრი გრიგალაშვილმა პარტია გირჩი მეტი თავისუფლება დატოვეს.

The post “ბოლო არჩევნებზე ოპოზიცია არ იყო მზად, მოქალაქეებს სულ სხვა რამ ვუთხარით 8 საათამდე” – ცოტნე კობერიძე appeared first on .