„კოლორპაკი“ დიუსელდორფში გამართულ საერთაშორისო გამოფენა „პროვაინ 2025-ზე“ მონაწილეობდა

რეგიონში ყველაზე დიდმა პოლიგრაფიულმა საწარმომ, „კოლორპაკმა“ დიუსელდორფში გამართულ ღვინისა და ალკოჰოლური სასმელების მასშტაბურ საერთაშორისო გამოფენაზე „პროვაინ 2025-ზე“ მიიღო მონაწილეობა.
გამოფენა უკვე 30 წელია იმართება და გლობალურ ბაზარს ფარავს. ყოველწლიურად დიუსელდორფში თავს იყრიან მსოფლიოს წამყვანი ღვინისა და ალკოჰოლის, აქსესუარებისა თუ შესაფუთი მასალების კომპანიები სხვადასხვა ქვეყნიდან და ერთმანეთს უზიარებენ თავიანთ გამოცდილებას, წარადგენენ სიახლეებს და ამყარებენ პარტნიორულ კავშირებს. საქართველოდან გამოფენაზე მონაწილეობას იღებდა 30-მდე კომპანია. მათ შორის, „აწარმოე საქართველოს“ ხელშეწყობით წელს ღონისძიებაზე წარმოდგენილი იყო „კოლორპაკი“, რომელიც პოლიგრაფიის მიმართულებით რეგიონის ლიდერია.
კომპანიის სტენდზე წარმოდგენილი იყო საწარმოში სხვადასხვა დროს დამზადებული გამორჩეული ნამუშევრები: ეტიკეტები, მყარი პრემიუმ ხარისხის ყუთები, ჩაჩები, გოფრირებული ყუთები და რბილი შეფუთვა.
როგორც კომპანიის კომერციული დირექტორი, მარიამ მუხიგული აღნიშნავს, „კოლოარპაკის“ კუთხემ გამოფენის პირველივეს დღეს დაიმსახურა ინტერესი:
„პირველივე დღეს შედგა არაერთი მნიშვნელოვანი საქმიანი შეხვედრა, სადაც კომპანიები სამომავლო მჭიდრო თანამშრომლობაზე შეთანხმდნენ. მეორე დღე თითქმის სრულად დაეთმო უცხოურ კომპანიებთან შეხვედრებსა და მოლაპარაკებებს. განსაკუთრებული ინტერესი გამოხატეს ბერძენმა, რუმინელმა, ფრანგმა, დანიელმა და გერმანელმა მწარმოებლებმა. მათთან უკვე დაიგეგმა სამომავლო თანამშრომლობა“, – განმარტა მარიამ მუხიგულმა.
მისივე თქმით, მიმდინარე წელს „კოლორპაკის“ ერთ-ერთი ძირითადი ამოცანა ექსპორტი და ბაზრის კიდევ უფრო გაფართოებაა, შესაბამისად, კომპანიისთვის მსგავს ღონისძიებებში მონაწილეობა ახალ შესაძლებლობებს ქმნის:
„კოლორპაკს“ აქვს შესაძლებლობა როგორც ტექნიკური აღჭურვილობის, ისე გამოცდილი კადრების დახმარებით მნიშვნელოვანი ადგილი დაიკავოს საერთაშორისო ბაზარზე“, – აღნიშნა კომპანიის კომერციულმა დირექტორმა, მარიამ მუხიგულმა.
აღსანიშნავია, რომ „კოლორპაკი“ 30 წლის წინ დაარსდა და პოლიგრაფიის სფეროში რეგიონის ყველაზე მაღალტექნოლოგიურ და მსხვილ საწარმოდ რჩება.
(R)