რაგბი | ბესიკ ხამაშურიძე და გია ლაბაძე 7-კაცას დაემშვიდობნენ
საქართველოს 7-კაცას ეროვნული ნაკრების მთავარმა მწვრთნელმა ბესიკ ხამაშურიძემ და მწვრთნელმა გია ლაბაძემ დაკავებული თანამდებობები დატოვეს
საქართველოს 7-კაცას ეროვნული ნაკრების მთავარმა მწვრთნელმა ბესიკ ხამაშურიძემ და მწვრთნელმა გია ლაბაძემ დაკავებული თანამდებობები დატოვეს.
ვეტერანი ბორჯღალოსნები გუნდში 2021 წელს მოვიდნენ და განვლილი 4 წლის განმავლობაში რამდენიმე მნიშვნელოვან წარმატებას მიაღწიეს.
2023 წლის რაგბი ევროპის ჩემპიონატის პირველ, ალგარვეს (პორტუგალია) ეტაპზე, საქართველომ 1/4-ფინალში ესპანეთი (24:12), ხოლო ნახევარფინალში საფრანგეთი (14:7) დაამარცხა და ფინალში გავიდა, სადაც ირლანდიას (10:19) ვეღარ აჯობა და მეორე ადგილზე გავიდა. აღსანიშნავია, რომ მანამდე ჩვენს 7-კაცას მეორე ადგილი ერთადერთხელ, 2002 წელს ჰქონდა დაკავებული და თავისი საუკეთესო შედეგი გაიმეორა.
გუნდმა თასის ნახევარფინალში 2024 წელსაც ითამაშა და მაშინ მე-4 ადგილს დასჯერდა.
ხამაშურიძისა და ლაბაძის ხელმძღვანელობით საქართველოს 7-კაცამ 2022 წლის მსოფლიო სერიის ჩელენჯერის ფინალშიც ითამაშა. ჩვენმა გუნდმა 1/4-ფინალში ჰონკონგს (19:14), ნახევარფინალში კი მასპინძელ ჩილეს (31:14) მოუგო, ოქროს-მატჩში ურუგვაის (5:19) შეხვდა და ვერცხლის მედლებს დასჯერდა. გუნდმა ჩელენჯერის სერიის შესარჩევი ეტაპი წარმატებით კიდევ ორჯერ გადალახა და მსოფლიო სერიის შესარჩევ ტურნირში 2024 და 2025 წლებშიც ითამაშა.
2022 წელს გუნდს ერთი ნაბიჯი დააკლდა 7-კაცას მსოფლიო თასზე გასასვლელად. გადამწყვეტი თამაში ირლანდიასთან შედგა და მეტოქემ ერთი ლელოთი - 17:12 გაიმარჯვა.
იყო სხვა წარმატებებიც, როგორიცაა ერთხელ დუბაის ტურნირში გამარჯვება და ერთხელ ფინალში გასვლა.
„დიდი მადლობა რაგბის კავშირის ნდობისთვის და შესაძლებლობისთვის. ვფიქრობ, ყველას დავანახეთ, რომ წარმატების მიღწევა 7-კაცაშიც შეგვიძლია. სამწუხაროდ, დასახულ მიზანს - ოლიმპიადაზე და მსოფლიო სერიაზე გასვლას ვერ მივაღწიეთ, თუმცა ახლაც მიგვაჩნია, რომ ამის პოტენციალი გვაქვს და წარმატებას ვუსურვებთ ჩვენს 7-კაცას. გვჯერა, საქართველოს 7-კაცა ამ ამოცანას შეასრულებს და ეს თუ ჩვენს გარეშე მოხდება, ამაში პრობლემას ვერ ვხედავთ“ - განაცხადა გია ლაბაძემ.
თავის მხრივ, საქართველოს რაგბის კავშირი მადლობას უხდის ბესიკ ხამაშურიძესა და გია ლაბაძეს გაწეული სამუშაოსთვის და წარმატებებს უსურვებს მომავალ საქმიანობაში. მათი ღვაწლი ქართული რაგბის წინაშე ფასდაუდებელია!
ვეტერანი ბორჯღალოსნები გუნდში 2021 წელს მოვიდნენ და განვლილი 4 წლის განმავლობაში რამდენიმე მნიშვნელოვან წარმატებას მიაღწიეს.
2023 წლის რაგბი ევროპის ჩემპიონატის პირველ, ალგარვეს (პორტუგალია) ეტაპზე, საქართველომ 1/4-ფინალში ესპანეთი (24:12), ხოლო ნახევარფინალში საფრანგეთი (14:7) დაამარცხა და ფინალში გავიდა, სადაც ირლანდიას (10:19) ვეღარ აჯობა და მეორე ადგილზე გავიდა. აღსანიშნავია, რომ მანამდე ჩვენს 7-კაცას მეორე ადგილი ერთადერთხელ, 2002 წელს ჰქონდა დაკავებული და თავისი საუკეთესო შედეგი გაიმეორა.
გუნდმა თასის ნახევარფინალში 2024 წელსაც ითამაშა და მაშინ მე-4 ადგილს დასჯერდა.
ხამაშურიძისა და ლაბაძის ხელმძღვანელობით საქართველოს 7-კაცამ 2022 წლის მსოფლიო სერიის ჩელენჯერის ფინალშიც ითამაშა. ჩვენმა გუნდმა 1/4-ფინალში ჰონკონგს (19:14), ნახევარფინალში კი მასპინძელ ჩილეს (31:14) მოუგო, ოქროს-მატჩში ურუგვაის (5:19) შეხვდა და ვერცხლის მედლებს დასჯერდა. გუნდმა ჩელენჯერის სერიის შესარჩევი ეტაპი წარმატებით კიდევ ორჯერ გადალახა და მსოფლიო სერიის შესარჩევ ტურნირში 2024 და 2025 წლებშიც ითამაშა.
2022 წელს გუნდს ერთი ნაბიჯი დააკლდა 7-კაცას მსოფლიო თასზე გასასვლელად. გადამწყვეტი თამაში ირლანდიასთან შედგა და მეტოქემ ერთი ლელოთი - 17:12 გაიმარჯვა.
იყო სხვა წარმატებებიც, როგორიცაა ერთხელ დუბაის ტურნირში გამარჯვება და ერთხელ ფინალში გასვლა.
„დიდი მადლობა რაგბის კავშირის ნდობისთვის და შესაძლებლობისთვის. ვფიქრობ, ყველას დავანახეთ, რომ წარმატების მიღწევა 7-კაცაშიც შეგვიძლია. სამწუხაროდ, დასახულ მიზანს - ოლიმპიადაზე და მსოფლიო სერიაზე გასვლას ვერ მივაღწიეთ, თუმცა ახლაც მიგვაჩნია, რომ ამის პოტენციალი გვაქვს და წარმატებას ვუსურვებთ ჩვენს 7-კაცას. გვჯერა, საქართველოს 7-კაცა ამ ამოცანას შეასრულებს და ეს თუ ჩვენს გარეშე მოხდება, ამაში პრობლემას ვერ ვხედავთ“ - განაცხადა გია ლაბაძემ.
თავის მხრივ, საქართველოს რაგბის კავშირი მადლობას უხდის ბესიკ ხამაშურიძესა და გია ლაბაძეს გაწეული სამუშაოსთვის და წარმატებებს უსურვებს მომავალ საქმიანობაში. მათი ღვაწლი ქართული რაგბის წინაშე ფასდაუდებელია!
What's Your Reaction?
