რას შვრებით თუ შსს-დან გირეკავენ ჯარიმის შესახებ და რა ხდება თუ უარს იტყვით ქვითრის ჩაბარებაზე? – მარიკა არევაძე

კოალიცია ცვლილებებისთვის ერთ–ერთი ლიდერი, იურისტი მარიკა არევაძე:

1. რას შვრებით თუ შსს-დან გირეკავენ ჯარიმის შესახებ:

– არ გაქვთ ადგილზე მისვლის ვალდებულება;

– ეუბნებით მისამართს, სადაც შესაძლებელია ფოსტით ჩაგბარდეთ საჯარიმო ქვითარი.

2. რა ხდება თუ უარს იტყვით საჯარიმო ქვითრის ჩაბარებაზე, როცა შსს-ს წარმომადგენელი ადგილზე მოდის ან ფოსტას აქვს გზავნილი მოტანილი:

– საჯარიმო ქვითარი ითვლება ჩაბარებულად და იმ დღიდანვე იწყება გასაჩივრების ვადის ათვლა, ამიტომ ჯობია ჩაიბაროთ და მიყვეთ გასაჩივრების პროცედურებს.

3. როგორ ხდება საჯარიმო ქვითრის ჩაბარება და როდიდან ითვლება ჩაბარებულად ?

– თუ ადგილზე მოტანით ან ფოსტით ჩაგბარდათ გზავნილი, ჩაბარების დღიდან;

– თუ მოგიტანეს და უარი თქვით ჩაბარებაზე, უარის თქმის დღიდან;

– თუ ფოსტით გამოგზავნეს, მაგრამ ვერ ჩაგბარდათ შსს-ს აქვს მეორედ გამოგზავნის ვალდებულება. თუ მეორედაც ვერ ჩაგბარდათ შსს მოახდენს საჯარო გამოქვეყნებს და საჯარო გამოქვეყნებიდან 30-ე დღეს საჯარიმო ქვითარი ითვლება ჩაბარებულად და ამ დღიდან იწყება გასაჩივრების ვადის ათვლა.

4. https://www.protocols.ge/ და https://videos.police.ge/index.php?lang=ge&lang=ge საიტზე მონაცემების დადება ითვლება თუ არა საჯარო გამოქვეყნებად ?

– კანონის შესაბამისად არ ითვლება;

– ვინაიდან, რეჟიმის მხრიდან არავითარი უკანონობა არ არის გამორიცხული და ნებისმიერ უკანონობას შემდეგ სასამართლოც უდასტურებს – 1. შეგიძლიათ თავის დაზღვევის მიზნით ან ადგილზე მიხვიდეთ და ჩაიბაროთ ან 30 დღიდან გაასაჩივროთ ან გარისკოთ და შემდეგ აღსრულების ეტაპზე იდავოთ ჩაბარების კანონიერებაზე.

ასევე, იმისათვის რომ გვქონდეს წერილობითი მტკიცებულება, მიმართული მაქვს შსს-სთვის და პასუხს აუცილებლად გაგიზიარებთ.

5. რა ვადა გვაქვს გასაჩივრებისთვის ?

– ჩაბარებიდან 10 კალენდარული დღე.

6. აჩერებს თუ არა გასაჩივრება გადახდის ვალდებულებას ?

– აჩერებს , პირველი ინსტანციის სასამართლოს გადაწყვეტილებამდე.

7. როგორია გასაჩივრების ეტაპები ?

– ჯერ საჯარიმო ქვითარი საჩივრდება შსს-ში.

– შსს-ს გადაწყვეტილება (დადგენილება) საჩივრდება საქალაქო/რაიონულ სასამართლოში;

– საქალაქო/რაიონულ სასამართლოს გადაწყვეტილება საჩივრდება სააპელაციო სასამართლოში. ეს არის ბოლო ინსტანცია.

საჩივარზე არ ხდება ბაჟის გადახდა.

8. შსს-ში სად უნდა ჩააბაროთ საჩივარი ?

– ნაწილი ბარდება კახეთის გზატკეცილზე, ნოე რამიშვილის ქუჩა 38; ნაწილი გულუას ქ.10-ში; ნაწილზე ცხელი ხაზი ითხოვს ქვითრის ნომერს, რომ გითხრან სად უნდა ჩააბაროთ საჩივარი. ამიტომ, საჩივრის წაღებამდე მაინც დააზუსტეთ მისამართი. დარეკეთ ნომერზე – 2 41 42 42.

– საჩივრის ჩაბარებისას თან გქონდეთ მეორე ეგზეპლიარი, სადაც დააწერინებთ ჩაბარების დასტურს, თარიღს, რეგისტრაციის ნომერს და თუ რეგისტრაციის ნომერი იქვე არ გითხრეს დარეკეთ ნომერზე 241 10 65 ან 241 10 66 დააზუსტეთ რეგისტრაციის ნომერი და ვის დაეწერა თქვენი საჩივარი გასახილველად.

9. შეძლებენ თუ არა ფონდები ჯარიმების გადახდაში დახმარებას ?

– ფონდებმა გააკეთეს ერთობლივი განცხადება და თქვეს, რომ გასაჩივრების ეტაპების დასრულების შემდეგ და ამ შემთხვევაში მოახდენენ ყველას დახმარებას.

10. აქვე გიზიარებთ ჩემს მიერ მომზადებულ საჩივრის ნიმუშებს:

– მარტივი საჩივარი: https://drive.google.com/…/1LQbgzc9HpAxvscF6ERTwpzG7W…/view…

– მარტივი საჩვარი, თუ საიტზე გამოქვეყნებულ მონაცემებზე დაყრდნობით მაინც გზურთ საჩივრის შეტანა: https://drive.google.com/…/14uMdD683834ZcaZntVgFovPmw…/view…

– დასაბუთებული საჩივრის ნიმუში: https://drive.google.com/…/15_s24dt1nBB…/view…

The post რას შვრებით თუ შსს-დან გირეკავენ ჯარიმის შესახებ და რა ხდება თუ უარს იტყვით ქვითრის ჩაბარებაზე? – მარიკა არევაძე appeared first on .