“ღმერთმა არ ქნას, ვინმე ცუდად გაგვიხდეს“ – გაუწმენდავი გზების გამო, ბათუმში ჯანდაცვის სერვისის მიღების, საკვების მიწოდების პრობლემაა

რთული ვითარებაა დასავლეთ საქართველოში-მაღალმთიან აჭარასა და გურიაში თოვლისგან გზები გაუწმენდავია. მოქალაქეები ამბობენ, რომ გაწმენდაზე ზრუნვა მაშინვე უნდა დაეწყო ხელისუფლებას, როცა დაიწყო თოვა და როცა ახლა ტექნიკის არქონას იმიზეზებენ და დიდ თოვლს აბრალებენ უგზობას, შესაბამისად, ყველა ის პრობლემა, რაც ამას მოაქვს, იქნება ეს ჯანდაცვით უზრუნველჰყოფა, საკვები და ა.შ. სწორედ მათი უპასუხისმებლობის შედეგია. საუბრობენ იმაზეც, რომ ვერ ახერხებენ სახლებიდან გასვლას, გარდაცვლილის დაკრძალვას, რომ რამდენიმე სახლი უკვე დაანგრია თოვლმა, საბედნიეროდ, მსხვერპლი არ მოჰყოლია.

გათიშულია ელექტროენერგია, ინტერნეტი. ათასობით აბონენტს არ მიეწოდება ბუნებრივი აირი. შეწყვეტილია სასწავლო პროცესი სკოლებსა და ბაღებში.

ადგილობრივები შესაბამის უწყებებს გულგრილობაში ადანაშაულებენ და აცხადებენ, რომ ადგილობრივი ხელისუფლება მოუმზადებელი შეხვდა დიდთოვლობას.

“ყველამ იცოდა, რომ დიდთოვლობა იყო მოსალოდნელი, მაგრამ, ამის მიუხედავდ, მოუმზადებელი შეხვდა. ხომ უნდა ჩანდეს, რომ ვიღაც ცდილობს, რომ ამ პრობლემებს გაუმკლავდეს, ეს არააქტიურობა ქმნის შთაბეჭდილებას, რომ ძალიან ბევრი სახელმწიფო მოხელე გულგრილად ეკიდება საკითხს. სამი დღის წინ ვესაუბრე საგზაო დეპარტამენტის წარმომადგენელს და ჩვენ ეტაპობრივად დავიწყებთ გაწმენდასო და სამი დღე თუ არ მოუწია აქაურობას გაწმენდა, როდისღა გაიწმინდება,- ამბობს ადგილობრივი.

იმის გამო, რომ გზის გაწმენდითი სამუშაოები დროულად არ მიმდინარეობს, საავადმყოფოსთან მისასვლელი გზაც კი ჩახერგილია და სასწრაფო სამედიცინო დახმარების ექიმებს ფეხით უწევთ გადაადგილება, რათა პაციენტებამდე მივიდნენ.

მუნიციპალური საავამდყოფო გაუმართავად ემსახურება მოქალაქეებს და თითქმის, ვერანაირ მომსახურებას ვერ იღებენ. ასეთ პირობებში, ღმერთმა არ ქნას, ვინმე ცუდად გაგვიხდეს“, – ამბობს  ერთ-ერთიი ადგილობრივი.

სინოპტიკოსების პროგნოზით, უამინდობა 26 თებერვლამდე შენარჩუნდება.

The post “ღმერთმა არ ქნას, ვინმე ცუდად გაგვიხდეს“ – გაუწმენდავი გზების გამო, ბათუმში ჯანდაცვის სერვისის მიღების, საკვების მიწოდების პრობლემაა appeared first on .