გელა მთივლიშვილი: ხომ წარმოუდგენელია, რუსულმა რეჟიმმა, რომელიც კორუფციაში იხრჩობა და მიტაცებული აქვს ყველა სახელმწიფო ინსტიტუტი, ნებართვა გასცეს საკუთარი დანაშაულების მხილებაზე, რომ კი, მილიონები მოვიპარე
“რეჟიმმა იცის, რომ არც რუსული კანონით და არც ვითომ ამერიკული „ფარას“ საშუალებით, არაფრის ფასად, უცხო ქვეყნის აგენტებს არ დავირქმევთ. ამ იარლიყით მე არასდროს ვიცხოვრებ! ამიტომაც, ივანიშვილის პარლამენტმა დაჩქარებული წესით მიიღო კანონი, რომლითაც მთავრობის თანხმობის გარეშე უცხოური გრანტის გაცემა აკრძალა. საერთაშორისო ორგანიზაციამ, ფონდმა რეჟიმს უნდა სთხოვოს ნებართვა, მაგალითად, ჩვენ რომ გრანტი მოგვცენ ჟურნალისტური გამოძიებების საკეთებლად – […]
“რეჟიმმა იცის, რომ არც რუსული კანონით და არც ვითომ ამერიკული „ფარას“ საშუალებით, არაფრის ფასად, უცხო ქვეყნის აგენტებს არ დავირქმევთ. ამ იარლიყით მე არასდროს ვიცხოვრებ!
ამიტომაც, ივანიშვილის პარლამენტმა დაჩქარებული წესით მიიღო კანონი, რომლითაც მთავრობის თანხმობის გარეშე უცხოური გრანტის გაცემა აკრძალა.
საერთაშორისო ორგანიზაციამ, ფონდმა რეჟიმს უნდა სთხოვოს ნებართვა, მაგალითად, ჩვენ რომ გრანტი მოგვცენ ჟურნალისტური გამოძიებების საკეთებლად – მთავრობის წევრთა კორუფციული საქმიანობის, ბუნებრივი რესურსების მიტაცების, ადამიანის უფლებების დარღვევის, რუს ოლიგარქებზე ტყეების გაჩუქების, გულგრილობითა და უმოქმედობით სტიქიის დროს ხალხის დახოცვის მხილებისთვის.
ხომ წარმოუდგენელია, რუსულმა რეჟიმმა, რომელიც კორუფციაში იხრჩობა და მიტაცებული აქვს ყველა სახელმწიფო ინსტიტუტი, ნებართვა გასცეს საკუთარი დანაშაულების მხილებაზე, რომ კი, მილიონები მოვიპარე, ტყეები და მდინარეები მივიტაცე და ა.შ.
რეჟიმს სურს, რომ 1-ელი ივნისიდან, უფლებადაცვითი, გარემოსდაცვითი, ანტიკორუფციული, კვლევითი და სხვა არასამთავრობო ორგანიზაციებისა და კრიტიკული მედიის დიდმა ნაწილმა უბრალოდ ვეღარ იარსებოს! პირველ რიგში, ეს იმ ადამიანებს შეგეხებათ, ვინც აქამდე სხვადასხვა პრობლემის გაშუქების ან ადვოკატირების მიზნით მოგვმართავდით,” – წერს სოციალურ ქსელში ჟურნალისტი გელა მთივლიშვილი.
What's Your Reaction?
