გიორგი წიტაიშვილმა გრანადა დატოვა - რა იქნება მომავალში

ქართველმა ნახევარმცველმა გიორგი წიტაიშვილმა ესპანური „გრანადა“ დატოვა. კლუბის ოფიციალური განცხადების თანახმად, ფეხბურთელის იჯარის ვადა ამოიწურა და მასთან ერთად რამდენიმე მოთამაშემაც დატოვა გუნდი, მათ შორის – რუბენ სანჩესმა, რეინემ, აბდე რებახმა და სირენა დიაომ.

წიტაიშვილი გასულ სეზონში სეგუნდა დივიზიონში სტაბილურად გამოიყურებოდა. მან „გრანადას“ მაისურით 36 შეხვედრაში მიიღო მონაწილეობა, გაიტანა 7 გოლი და 4 საგოლე გადაცემა გააკეთა. მიუხედავად ინდივიდუალური წარმატებისა, კლუბმა სეზონი ვერ დაასრულა იმ შედეგით, რასაც ესწრაფვოდა – გუნდი ლა ლიგაში გადასასვლელი პლეი-ოფის ზონაში ვერ მოხვდა.

გიორგის სატრანსფერო ღირებულება მიმდინარე სეზონის ფონზე საგრძნობლად გაიზარდა. თუ „გრანადაში“ მის გადასვლამდე მისი ფასი დაახლოებით 800 ათასი ევრო იყო, დღეს უკვე ის 1.5 მილიონ ევროდ ფასდება. ამ ეტაპზე ფეხბურთელი კვლავ კიევის „დინამოს“ საკუთრებაა და უკრაინულ კლუბთან კონტრაქტი 2026 წლის ზაფხულამდე აკავშირებს.

წიტაიშვილის მომავალზე კონკრეტული ინფორმაცია ჯერ არ გავრცელებულა, თუმცა მისი ეფექტური გამოსვლები ესპანურ ჩემპიონატში შესაძლოა სხვა ევროპული კლუბების ყურადღებასაც იპყრობს. შესაბამისად, დიდი შანსია, რომ ქართველი ფეხბურთელის კარიერა მომდევნო სეზონში კიდევ უფრო მაღალ დონეზე გაგრძელდეს.