“ეს არის კონტრევოლუცია და არა კომისია – კონტრევოლუცია კრიმინალების, პრორუსი თაღლითების და პრორუსი კორუფციონერების” – მიხეილ სააკაშვილი

სააგენტო "პარალელი"
“ეს არის კონტრევოლუცია და არა კომისია – კონტრევოლუცია კრიმინალების, პრორუსი თაღლითების და პრორუსი კორუფციონერების” – მიხეილ სააკაშვილი

კლინიკა “ვივამედიდან” სასამართლო პროცესზე ჩართვისას და სიტყვით გამოსვლისას საქართველოს მე-3 პრეზიდენტმა, მიხეილ სააკაშვილმა ისაუბრა აფრაძიძეების, ხაინდრავასა და სხვათა დანაშაულებზე და ქვეყანაში კრიმინალის დამარცხებაში შეტანილ მის წვლილზე:

,,აფრასიძეები მსხვერპლებად გამოიყვანეს. აფრასიძეები, რომლებმაც უამრავი ადამიანი მოკლეს, გააუპატიურეს, გაანადგურეს, მთელი ქონება წაართვეს, გადაუარეს სვანეთს და დანარჩენ საქართველოშიც უამრავი დანაშაული აქვთ ჩადენილი და ამ აფრასიძეებზე ახლა იძახიან, რომ ისინი თურმე რეჟიმის უბედური მსხვერპლები იყვნენ.

აფრასიძეები რომ არ ჩამოშორებოდნენ სვანეთს, არ იქნებოდა არც განვითარება, არც ტურიზმი, არც შემოსავლები. ესენი რომ არ მოსულიყვნენ, ბევრად მეტი იქნებოდა. ამათ გააჩერეს სვანეთის გვირაბის მშენებლობის პროექტი, რომლითაც სვანეთი დაუკავშირდებოდა პირდაპირ იმერეთს და მესტიიდან ქუთაისში 2 საათში ჩახვიდოდი.

ობგაიძე, საქართველოს გაი-ს ბოლო უფროსი იყო, გაიშნიკები, ღიპიანი ტიპები გახსოვთ?! ობგაიძე იყო საქართველოს გაი-ს ბოლო წევრი, რომელიც ჩვენ გავაუქმეთ და ეს ობგაიძე გამოდის და იძახის, რომ მე მქონდა ბიზნესები, მიწებიო და სააკაშვილის ნათესავებმაო, ჩემს ბიძაშვილზეა საუბარი, რომელიც ამერიკაში დაიბადა, იქ ცხოვრობს, იმან წამართვაო.

ჯერ ერთი საკითხი, საიდან ჰქონდა სახელმწიფო მოხელე ობგაიძეს ამდენი ბიზნესი და მიწები და რანაირად გამოდის, რომ ჩემმა ბიძაშვილმა თურმე წაართვა, რომელიც ძალიან მოკრძალებულად ცხოვრობს, დღე და ღამე მუშაობს, ობგაიძე კი იხრჩობა ფულში?! აი ეს ხდება.


გამოიყვანეს ხაინდრავა, რომელმაც დახვრიტა, მას შემდეგ, რაც პუტჩისტებმა ვითომ გაუშვეს ზვიად გამსახურდია, აქედან, ხაინდრავა წამოეწია ბარათაშვილის ხიდზე, გაუხსნა ცეცხლი და დახვრიტა მათი ავტობუსები. მთავარი პროპაგანდისტი.

აი ასეთი კომისია შექმნეს და ეს არის კონტრევოლუცია და არა კომისია – კონტრევოლუცია კრიმინალების, პრორუსი თაღლითების და პრორუსი კორუფციონერების“, – განაცხადა მიხეილ სააკაშვილმა.

ავტორი
მარიამ ხაჩირაშვილი

“ეს არის კონტრევოლუცია და არა კომისია – კონტრევოლუცია კრიმინალების, პრორუსი თაღლითების და პრორუსი კორუფციონერების” – მიხეილ სააკაშვილი
მარიამ ხაჩირაშვილი