პოლიციელი, რომელიც ამტკიცებს რომ ოპერატორი მან დააკავა, კადრებში საკუთარ თავს ვერ ცნობს

პოლიციელი, რომელიც ამტკიცებს რომ “ტვ პირველის” ოპერატორი მან დააკავა, კადრებში საკუთარ თავს ვერ ცნობს. რამდენიმე წუთში სამართალდამცველს ლაშა ჯიოშვილის საქმეზე მოწმედ გამოკითხავენ – ახლა სწორედ მან უნდა ახსნას რის საფუძველზე დაადეს ხელბორკილები და გაიტაცეს “ტვ პირველის” თანამშრომელი.

თბილისის საქალაქო სასამართლოში ლაშა ჯიოშვილის პროცესი წესით ცოტა ხანში დაიწყება. საქმეს სანქცირებული მოსამართლე, ლელა ცაგარეიშვილს იხილავს.  იზოლატორიდან ჩუმად გაყვანილ და სასამართლო დარბაზში მოულოდნელად შეყვანილ ჯაოშვილს უფლებადამცველები უკვე გვერდით ყავს.

• “ტვ პირველის” ოპერატორს პოლიციელის დაუმორჩილებლობას და შეურაცხყოფის მიყენებას ედავებიან.

ცნობისთვის, ლაშა ჯაოშვილი სასამართლოში ისე გადაიყვანეს, რომ ადვოკატები არ გაუფრთხილებიათ.

შეგახსენებთ, რომ გომელაურის ნიღბიანმა რაზმებმა ლაშა ჯიოშვილი ელბაქიძის ქუჩიდან ძალის გამოყენებით იმ დროს გაიტაცეს, როდესაც აქციიდან სახლში ბრუნებოდა.  არსებობს ვარაუდი, რომ პოლიცია ოპერატორისთვის ნარკოტიკების ჩადებას ცდილობდა, რადგან ვიდეოში ლაშა ჯიოშვილი ამბობს, რომ “ჯიბეში” რაღაც  ჩაუდეს.

• რამდენიმე საათის განმავლობაში “ტვ პირველის” ოპერატორი პოლიციას გადამალული ჰყავდა, არ აძლევდნენ ადვოკატთან და ოჯახთან კომუნიკაციის უფლებას, ემუქრებოდნენ, სთხოვდნენ ტელეფონს, არ განუმარტეს უფლებები და დაკავების დროს ხელზე მიაყენეს დაზინება.
• ტელეოპერატორის ადგილმდებარეობის გარკვევას “ტვ პირველი” თითქმის მთელი ღამის განმავლობაში ცდილობდა. მასთან შეხვედრა ადვოკატმა მხოლოდ გამთენიისას მოახერხა.

The post პოლიციელი, რომელიც ამტკიცებს რომ ოპერატორი მან დააკავა, კადრებში საკუთარ თავს ვერ ცნობს appeared first on .