რას ამბობს ნატო გელაშვილი ნანუკა ჟორჟოლიანზე და წლების წინ თავდაცვის სამინისტროში მუშაობაზე

ბოლო დღე­ებ­ში მომ­ღე­რა­ლი ნატო გე­ლაშ­ვი­ლი და მისი ვა­ჟე­ბი, ლუკა და გი­ორ­გი ჭო­ხო­ნე­ლი­ძე­ე­ბი სა­ზო­გა­დო­ე­ბის ყუ­რა­დღე­ბის ცენ­ტრში მო­ექ­ცნენ. კრი­ტი­კა მათ მი­მართ მას შემ­დეგ და­ი­წყო, რაც მო­ნა­წი­ლე­ო­ბა მი­ი­ღეს კონ­ცერ­ტში იმ დღეს, რო­დე­საც პო­ლი­ცი­ელ­ზე თავ­დას­ხმა­ში ბრალ­დე­ბულ მათე დე­ვი­ძეს სა­სა­მარ­თლომ 4 წლი­თა და 6 თვით თა­ვი­სუფ­ლე­ბის აღ­კვე­თა მი­უ­სა­ჯა.

ძმებ­მა მოგ­ვი­ა­ნე­ბით ამ თე­მას­თან და­კავ­ში­რე­ბით გან­ცხა­დე­ბა გა­ავ­რცე­ლეს – “თსუ-ს თვით­მმარ­თვე­ლო­ბას­თან ჩვე­ნი ურ­თი­ერ­თო­ბა დას­რუ­ლე­ბუ­ლია… “სირ­ცხვი­ლი­ას” გო­გო­ე­ბო, თუ იცო­დით რაც ხდე­ბო­და და კონ­ცერ­ტზე მოხ­ვე­დით, ეგ უფრო დიდი სირ­ცხვი­ლია”, – ნათ­ქვა­მი იყო “ჭო­ხო­ე­ბის” გან­ცხა­დე­ბა­ში. გა­და­წყვე­ტი­ლე­ბა ლუ­კას და გი­ორ­გის ტე­ლე­წამ­ყვან­მა ნა­ნუ­კა ჟორ­ჟო­ლი­ან­მა მო­უ­წო­ნა და მათი მი­სა­მარ­თით სო­ცი­ა­ლურ ქსელ­ში პოს­ტი გა­მო­აქ­ვეყ­ნა, სა­დაც ბი­ჭებს მად­ლო­ბა გა­და­უ­ხა­და.

“მად­ლო­ბა ბი­ჭე­ბო და იცო­დეთ, რომ მად­ლო­ბე­ლი ვიქ­ნე­ბით ყვე­ლა­სი ვინც ამ გზით ივ­ლის”, – წერ­და ნა­ნუ­კა. ამ­ბა­ვი აქ არ დას­რუ­ლე­ბუ­ლა და ჟორ­ჟო­ლი­ა­ნის პოსტს “ჭო­ხო­ებ­მა” პოს­ტით უპა­სუ­ხეს: “ნა­ნუ­კა, თქვენს გვერ­დში ჩვენ არას­დროს დავ­დგე­ბით!! უფრო მე­ტიც, ღმერ­თმა დაგ­ვი­ფა­როს თქვე­ნი გზე­ბით ვი­ა­როთ. ადა­მი­ა­ნი, რო­მელ­მაც რამ­დე­ნი­მე თვის წინ ჩვე­ნი ყვე­ლა­ზე დიდი სიყ­ვა­რუ­ლი გა­ი­მე­ტა სა­ჯიჯგნად… დღეს მად­ლო­ბას გვიხ­დის, რომ თურ­მე ნა­ტოს­თან ერ­თად სი­ა­რულს, მას­თან ერ­თად სი­ა­რუ­ლი ვარ­ჩი­ეთ. სა­სა­ცი­ლოა”, – აღ­ნიშ­ნავ­დნენ ძმე­ბი ჭო­ხო­ნე­ლი­ძე­ე­ბი. ამ პოს­ტის სა­პა­სუ­ხოდ კი ნა­ნუ­კამ გა­იხ­სე­ნა, რომ ნატო გე­ლაშ­ვი­ლი, ასე­ვე მისი ქმა­რი თავ­დაც­ვის სა­მი­ნის­ტრო­ში მუ­შა­ობ­დნენ იმ პე­რი­ოდ­ში, რო­დე­საც მი­ნის­ტრი ბაჩო ახა­ლა­ია იყო.

Ambebi.ge ნატო გე­ლაშ­ვილს და­უ­კავ­შირ­და

– ქალ­ბა­ტო­ნო ნატო, ნა­ნუ­კა ჟორ­ჟო­ლი­ა­ნის სტა­ტუ­სი თუ წა­ი­კი­თხეთ?

– ნა­ნუ­კამ და­წე­რა, მე პა­სუ­ხე­ბის გა­ცე­მას ნამ­დვი­ლად არ ვა­პი­რებ და არც სა­უ­ბარს არ ვა­პი­რებ­დი არა­ფერ­ზე, ვცხოვ­რობ­დი ჩემ­თვის. მაქვს ერთი დე­ვი­ზი, ნუ შე­ე­ხე­ბი­ან ჩემს ოჯახს, იმი­ტომ რომ არა­სო­დეს შევ­ხე­ბი­ვარ სხვი­სას, ეს არის ჩემი პრინ­ცი­პი. ნა­ნუ­კას­თან კი არა, სა­ერ­თოდ ცხოვ­რე­ბა­ში.

– ზო­გა­დად არ ხართ გა­მორ­ჩე­უ­ლი მსგავ­სი სკან­და­ლე­ბით, რაც ამ ორი დღის მან­ძილ­ზე მე­დი­ა­ში ხდე­ბა…

– ეს არ არის სკან­და­ლი, ღმერ­თმა და­მი­ფა­როს ამის­გან. კი­დევ გე­უბ­ნე­ბით, ნუ­რა­სო­დეს ჩა­ე­რე­ვი­ან ჩემს ოჯახ­ში, იმი­ტომ რომ არა­სო­დეს ვე­რე­ვი სხვის ოჯახ­ში. ამი­ტომ თუ ოდეს­მე ვი­ღა­ცა ჩა­ე­რია, პა­სუ­ხიც ეგ არის. როცა ადა­მი­ანს არას­წო­რად აყე­ნებ შე­უ­რა­ცხყო­ფას, თა­ვის დრო­ზე, და­უმ­სა­ხუ­რებ­ლად, მი­უ­ხე­და­ვად იმი­სა, რომ არა­ნა­ი­რი შე­ხე­ბა არ ჰქო­ნია და უბ­რა­ლოდ თა­ვი­სი აზრი და­ა­ფიქ­სი­რა, მი­უყ­რი ყვა­ვებს სა­ჯიჯგნად, რომ ბო­ლომ­დე კორტნონ, ცხოვ­რე­ბა­ში მერე ხდე­ბა ისე, რომ შვი­ლებს ამახ­სოვ­რდე­ბათ ტკი­ვი­ლი.

სა­ერ­თოდ, ოჯახს ერ­თმა­ნე­თის ტკი­ვი­ლი ამახ­სოვ­რდე­ბა, მი­თუ­მე­ტეს უდა­ნა­შა­უ­ლო და და­უმ­სა­ხუ­რე­ბე­ლი ტკი­ვი­ლი. როცა იმ­სა­ხუ­რებ, ეს კი­დევ მეს­მის.

– რო­გორ მოქ­მე­დებს ეს ყვე­ლა­ფე­რი თქვენ­ზე?

– აღარ მოქ­მე­დებს. ჩემს ფსი­ქო­ლო­გი­ურ მდგო­მა­რე­ო­ბა­ზე რა­მაც იმოქ­მე­და, ის დაღი დას­მუ­ლია დღემ­დე.იმის მერე არა­ფე­რი აღარ მიკ­ვირს და არც გა­მიკ­ვირ­დე­ბა. ადა­მი­ა­ნე­ბის გან­სას­ჯე­ლია ვის რა მოს­წონს, არც არა­ვის მრწამსში ჩავ­რე­ულ­ვარ. მე თუ ჩემი სა­დარ­დე­ბე­ლი მაქვს და ჩემს პოსტს ავ­ტვირ­თავ, სა­ქი­ლი­კოდ ნუ გახ­დი და სა­ჯიჯგნად. არ და­მიმ­სა­ხუ­რე­ბია. არ გა­მო­მირ­ჩე­ვია ადა­მი­ა­ნი, არც პარ­ტი­ით, არც მე­გობ­რო­ბით, არც ვი­ღა­ცის­თვის მიკ­რავს ხელი რომ რო­მე­ლი­მე პარ­ტი­ა­ში იყო.

ნა­ხე­ვარ ქა­ლაქს ვიც­ნობ და არა­სო­დეს გა­მიყ­ვია ქა­ლა­ქი იმით, რომ ვი­ღაც ასე ფიქ­რობს და ან ისე. რო­დე­საც ასეთ ადა­მი­ანს გა­ი­მე­ტებ რომ ჯიჯგნონ, პა­სუ­ხის­თვი­საც მზად უნდა იყო. ბი­ჭებს ალ­ბათ დიდი დაღი და­ას­ვა და გუ­ლის­ტკი­ვი­ლი ალ­ბათ სწო­რედ ეგ არის. მე აღარც პოს­ტებს ვკი­თხუ­ლობ, მე დავ­წე­რე ჩემი გუ­ლის­თქმა და და­ვამ­თავ­რე.

– თქვე­ნი და თქვე­ნი მე­უღ­ლის თავ­დაც­ვის სა­მი­ნის­ტრო­ში მუ­შა­ო­ბის წლე­ბი გა­იხ­სე­ნა ნა­ნუ­კამ

– ადა­მი­ა­ნი ცხოვ­რობ – ან იქ მუ­შა­ობ, ან აქ. გა­აჩ­ნია – რომ მუ­შა­ობ რას აშა­ვებ, ან რას აკე­თებ. მე რო­დე­საც თავ­დაც­ვა­ში ვმუ­შა­ობ­დი და­ღუ­პუ­ლი მე­ომ­რის შვი­ლე­ბი მე­ბა­რა, ძა­ლი­ან ბევ­რი სი­კე­თე მაქვს გა­კე­თე­ბუ­ლი და ბედ­ნი­ე­რი ვარ რომ ოდეს­ღაც ამის სა­შუ­ა­ლე­ბა მო­მე­ცა. კი­დევ გე­უბ­ნე­ბით, არა­ვის ვე­ხე­ბი და თუ ჩემ­მა შვი­ლებ­მა რა­ღა­ცა თა­ვი­სი გუ­ლის­ტკი­ვი­ლი თქვეს, არის ამის სა­ფუძ­ვე­ლი, იმი­ტომ რომ ჩემს ოჯახს ძა­ლი­ან ატ­კი­ნეს და ძა­ლი­ან და­უმ­სა­ხუ­რებ­ლად, ადა­მი­ა­ნებ­მა ვი­საც ერ­ქვათ მე­გობ­რე­ბი და ახ­ლობ­ლე­ბი. შე­იძ­ლე­ბა ყო­ველ­დღი­უ­რი ფი­ზი­კუ­რი შე­ხე­ბა არა­ვის­თან არ მაქვს, მაგ­რამ თუკი რამე დას­ჭირ­ვე­ბია ვინ­მეს, ჩვენ­გან უარი არ მი­უ­ღი­ათ. მი­უ­ხე­და­ვად მრწამ­სი­სა და შე­ხე­დუ­ლე­ბი­სა. მე და პო­ლი­ტი­კა ყო­ველ­თვის შორს ვართ, მე ვა­კე­თებ ჩემს საქ­მეს, რაც მე მე­ხე­ბა. ერთი რჩე­ვა იქ­ნე­ბა და­უმ­სა­ხუ­რებ­ლად ნუ­რა­ვის ჩა­უგ­დე­ბენ სა­ჯიჯგნად, შვი­ლებს თუ შვი­ლიშ­ვი­ლებს, ეს გე­ნე­ტი­კაა, უნ­დათ თუ არ უნ­დათ, ამახ­სოვ­რდე­ბათ.

• ცნო­ბის­თვის, ამ და­პი­რის­პი­რე­ბას წინა ის­ტო­რია აქვს:

2024 წლის დე­კემ­ბერ­ში, თბი­ლის­ში აქ­ცი­ის მო­ნა­წი­ლე­ებ­მა რუს­თა­ვე­ლის გამ­ზირ­ზე კუბო მი­ი­ტა­ნეს. იქ ბი­ძი­ნა ივა­ნიშ­ვი­ლის ფი­ტუ­ლი იყო მო­თავ­სე­ბუ­ლი. დე­მონ­სტრან­ტებ­მა რი­ტუ­ა­ლი შე­ას­რუ­ლეს და შემ­დეგ კუბო დაწ­ვეს. პერ­ფორ­მან­სმა სა­ზო­გა­დო­ე­ბა­ში აზ­რთა სხვა­დას­ხვა­ო­ბა გა­მო­იწ­ვია. ზო­გი­ერ­თმა აქ­ცი­ის მო­ნა­წი­ლე­ე­ბის ქმე­დე­ბა გა­აკ­რი­ტი­კა.

თე­მას გა­მო­ეხ­მა­უ­რა მომ­ღე­რა­ლი ნატო გე­ლაშ­ვი­ლიც – “დიდი ბო­დი­შის მოხ­დით, რო­გორც ერ­თმა რი­გით­მა ქრის­ტი­ან­მა მინ­და ჩემი გუ­ლის­ტკი­ვი­ლი და­ვა­ფიქ­სი­რო..ვი­საც სა­სახ­ლის (კუ­ბოს) სიმ­ძი­მე გავ­ლი­ლი აქვს და მისი და­ნიშ­ნუ­ლე­ბა კარ­გად იცის, ალ­ბათ არც მტერს უსურ­ვებს იგი­ვე სიმ­წა­რის გავ­ლას…არა­სო­დეს დაწ­ვათ ქრის­ტი­ა­ნის ბოლო სახ­ლი და არა­ვის უსურ­ვოთ გარ­დაც­ვა­ლე­ბა, რო­გორც არ უნდა გძულ­დეთ. მე მჯე­რა, რომ ქარ­თველ ერს სი­ძულ­ვილ­ზე მე­ტად სიყ­ვა­რუ­ლი შეგ­ვიძ­ლია. სიყ­ვა­რუ­ლით გა­დავ­რჩე­ბით მხო­ლოდ და მხო­ლოდ მშვი­დო­ბა ჩემს ხალ­ხს და ჩემს ქვე­ყა­ნას”, – წერ­და მა­შინ ნატო გე­ლაშ­ვი­ლი.

ამის სა­პა­სუ­ხოდ კი ნა­ნუ­კა­მაც პოს­ტი გა­მო­აქ­ვეყ­ნა და მომ­ღე­რალს ასე მი­მარ­თა:

“გა­ვი­გე ჩი­ნურ კუ­ბო­ზე გი­დარ­დია და დარ­წმუ­ნე­ბუ­ლი ვარ გე­ლათ­ზეც დარ­დობ. დაგ­ვი­წე­რე შენი ფიქ­რე­ბი გე­ლა­თის ნგრე­ვა­ზე”. ჟორ­ჟო­ლი­ა­ნის ამ პოსტს 1200-ზე მეტი კო­მენ­ტა­რი აქვს და სა­ზო­გა­დო­ე­ბის ნა­წი­ლი გე­ლაშ­ვილს აკ­რი­ტი­კებს.