სამოქალაქო აქტივისტზე თავდასხმის ახალი დეტალები – რატომ “ვერ პოულობს” შსს კამერების ჩანაწერებს

სამოქალაქო აქტივისტი დავით ფუთურიძე, რომელსაც რამდენიმე დღის წინ, საცხოვრებელ სახლთან, ხვიჩიას ქუჩაზე, სამი უცნობი პირი დაესხა თავს და ფიზიკურად გაუსწორდა, პოლიციას ჩვენებას აძლევს.

როგორც ფუთურიძე ამბობს, რადგან მას კანონიერად ვერ მოედავნენ, ფიზიკურად გაუსწორდნენ. მისი თქმით, ერთ-ერთი პირის ამოცნობა შეუძლია და სწორედ ამიტომ, ითხოვს სათვალთვალო კამერების ჩანაწერები ამოიღონ.

მისივე თქმით, ქუჩა, სადაც თავდასხმა მოხდა, საკმაოდ ხალხმრავალია და ის დარწმუნებულია, რომ კამერები თავდასხმის ფაქტს აუცილებლად ასახავდა.

რაც შეეხება თავდასხმის მოტივს- ფუთურძე ვარაუდობს, რომ ეს მისი და მისი მეგობრების აქტიურობამ გამოიწვია.

მოტივი, რა თქმა უნდა, პოლიტიკური იყო. პირველი ჩხრეკის და მოტაცების ამბავი რაც იყო, რადგან ვერ მოგვედავნენ კანონის მხრიდან, გადაწყვიტეს ფიზიკური ანგარიშსწორება ყოფილიყო. მესიჯი იყო მარტივი, უთქმელად, მაგრამ გადმოგვცეს, რომ “გაჩუმდით“. რადგან არ გავჩუმდი, დამხვდნენ სახლთან. ყველაფერს მივაწვდი, სად მოხდა, როგორ მოხდა, ხალხმრავალი ქუჩაა, ბევრი ობიექტია, რომელსაც აქვს კამერები, დარწმუნებული ვარ, მოწმეებიც ბევრნი იქნებიან. ყველაფერს ვითხოვთ, იდენტიფიცირება შესაძლებელია“, – განაცხადა ფუთურიძემ.

მნიშვნელოვანი გარემოება არის ის, რომ ჩემი დაცვის ქვეშ მყოფს შეუძლია ერთ-ერთი პირის ამოცნობა, ასევე ვითხოვთ, ვიდეოკამერების  ჩანაწერებს, რომელიც როგორც წესი, ქრება ხოლმე და პოლიცია, რატომღაც, ვერასდროს ახორციელებს ამოღებას“, – განაცხადა ადვოკატმა, გუჯა ავსაჯანიშვილმა.

სამოქალაქო აქტივისტი დავით ფუთურიძეს, ორი დღის წინ, საცხოვრებელ სახლთან, ხვიჩიას ქუჩაზე, სამი უცნობი პირი დაესხა თავს და ფიზიკურად გაუსწორდა.

დაზიანებები სამოქალაქო აქტივისტს თავისა და სახის არეში აღენიშნება.

The post სამოქალაქო აქტივისტზე თავდასხმის ახალი დეტალები – რატომ “ვერ პოულობს” შსს კამერების ჩანაწერებს appeared first on .