ცვლილებები “პროფესიული თეატრის შესახებ” კანონში – “ოცნება” ერთპიროვნულ მმართველად დირექტორს აქცევს

ქართული ოცნება” თეატრის მართვის ორსაფეხურიან მოდელს აუქმებს.”პროფესიული თეატრების შესახებ” საქართველოს კანონში ცვლილებებით, თეატრს ერთპიროვნულად სამხატვრო ხელმძღვანელი აღარ უხელმძღვანელებს და ამ ფუნქციას თეატრის დირექტორი იკისრებს.

ასევე, კანონპროექტით “წესრიგდება” თეატრის დირექტორის დანიშვნისა და გათავისუფლების წესი, მათ შორის, განისაზღვრა კონკურსის საფუძველზე, დირექტორობის კანდიდატის შერჩევის შესაძლებლობა. პროფესიულ სახელმწიფო თეატრში თეატრის დირექტორს საკუთარი შეხედულებით ნიშნავს მინისტრი.

კანონპროექტის მიხედვით ამ კანონის ამოქმედებამდე დანიშნული პროფესიული სახელმწიფო და პროფესიული მუნიციპალური თეატრების დირექტორები ამ კანონის ამოქმედებისთანავე გათავისუფლდებიან დაკავებული თანამდებობიდან. ამ კანონის ამოქმედებიდან 10 დღის ვადაში, წერილობითი თანხმობის შემთხვევაში, ისინი დაინიშნებიან იმავე თეატრის საშტატო ნუსხით გათვალისწინებულ ვაკანტურ თანამდებობაზე.

იმ შემთხვევაში თუ ისინი არ გამოხატავენ წერილობით თანხმობას იმავე თეატრში ვაკანტურ თანამდებობაზე დანიშვნასთან დაკავშირებით, ან არ იარსებებს იმავე თეატრში ვაკანტური თანამდებობა, გათავისუფლებულ პირს შესაბამისი თეატრის მიერ მიეცემა კომპენსაცია ბოლო თანამდებობრივი სარგოს 3 თვის ოდენობით. ამდენად, ამ კანონის ამოქმედებამდე დანიშნულ პროფესიულ სახელმწიფო და პროფესიულ მუნიციპალური თეატრების დირექტორებზე ექნება გარკვეული ფინანსური გავლენა, რაც დამოკიდებულია მათ მიერ ნების გამოვლენასა და შესაბამის თეატრში არსებულ საშტატო ერთეულების არსებობაზე,- აღნიშნულია კანონპროექტში.

The post ცვლილებები “პროფესიული თეატრის შესახებ” კანონში – “ოცნება” ერთპიროვნულ მმართველად დირექტორს აქცევს appeared first on .