"ხვიჩას საქციელი არ მომეწონა, ყვითელსაც კი იმსახურებდა" - ცნობილმა მსაჯმა კვარა სიმულაციაში დაადანაშაულა?

მარკ კლატენბურგის მოულოდნელი შეფასება კვარას ეპიზოდს

აპრ. 30, 2025 - 16:27

"ხვიჩას საქციელი არ მომეწონა, ყვითელსაც კი იმსახურებდა" - ცნობილმა მსაჯმა კვარა სიმულაციაში დაადანაშაულა?

გუშინდელ ჩემპიონთალიგურ შეხვედრაში ხვიჩა კვარაცხელიას და იურიენ ტიმბერს შორის საკამათო ეპიზოდი ვიხილეთ, როცა ნიდერლანდელმა მცველმა კვარა საჯარიმოში ხელის მოქაჩვით წააქცია, თუმცა მთავარმა მსაჯმა პენალტი არ დანიშნა.

ამ ეპიზოდმა საფეხბურთო სამყაროს აზრი ორად დაანაწევრა. მაგალითად, საკმაოდ ცნობილ ყოფილ მსაჯ მარკ კლატენბურგს მიაჩნია, რომ კვარაცხელია ყვითელ ბარათსაც კი იმსახურებდა.

მსაჯი სწორად მოიქცა, რომ პენალტი არ დანიშნა. როცა შემტევი წაქცევისას ხელს მაღლა აწევს ხოლმე, ეს იმის ნიშანია, რომ მსაჯს დარღვევის არსებობისკენ მიუთითებს და სიმულირებს.

გარდა ამისა, ხვიჩა შემდეგ მსაჯთან გაიქცა და პენალტის დადებისკენ მოუწოდებდა, რის გამოც მან ყვითელი ბარათი დაიმსახურა.

- ამბობს კლატენბურგი.

განაგრძე კითხვა