150 000 “იბერიოლის” მფლობელებისგან, 12 000 კალაძისგან, 10 000 ღარიბაშვილის სიმამრისგან – რეჟიმის სპონსორები

მილიონ-ნახევარი საჩუქრად “ქართულ ოცნებას” – ხალხისთვის სისხლიანი ნოემბრის მოწყოფის შემდეგ, ვინ დააფინანსა ივანიშვილის რეჟიმი? – ტვ პირველის შაბათის გუნდის მიხედვით, სია ასე გამოიყურება:

ნავთობკომპანია “იბეროილი”:

• კომპანიის ოთხმა მფლობელმა და ერთმა დირექტორმა ერთდროულად სისხლიანი ნოემბრის შემდეგ, “ქართული ოცნების” ანგარიშზე  150 ათასი ლარი გადარიცხეს:

1. “იბეროილის”  მფლობელი, ირაკლი პეტრიაშვილი – 20 000 ლ,
2. მფლობელი – დავით ალიბეგაშვილი – 20 ათასი,
3. მფლობელი – სიმონ გეგელაშვილი – 40  ათასი,
4. მფლობელი – გოჩა ჩოკოშვილი  50 000,
5. ნავთობკომპანიის დირექტორი  – მიხეილ ნიკოლეიშვილი 20 000.

“იბეროილის” მფლობელის მტკიცებით, დასისხლიანებული და დასახიჩრებული ხალხი არ უნახავს. “შაბათის ეთერს” ეუბნება, რომ არც სინდისი პატიმრების შესახებ სმენია რამე და არც წამების მანქანებზე. ნავთობის იმპორტიორი კომპანიის შეფმა მხოლოდ ის იცის, რომ ივანიშვილი მათი ბიზნესის “მეგობარია”.

ირკვევა, რომ 2023 წელს “იბეროილმა ” 100 მილიონზე მეტის ნავთობი შემოიტანა. “შაბათის ეთერი” ცნობით, “ქართული ოცნების” სპონსორებს კავშირი აქვთ რუსეთის ნავთობპროდუქტების ექსპორტიორ  კომპანიებთან. 

• დასავლეთის მიერ სანქცირებული რეჟიმის სპონსორებს შორისაა, მიშო მებუკე, ახალგაზრდა სარეკლამო ბიზნესიდან.
• “ოცნების” დამფინანსებლებს შორისაა 66 წლის პენსიონერი, მანანა ნადირაძე. საჯარო წყაროებიდან დგინდება, რომ  ნადირაძე “ქართუს” ყოფილი თანამშრომელი და ბანკის მმართველის ნატო ხაინდრავას მეზობელია. დოკუმენტებით დგინდება, რომ ოცნების პენსიონერ შემომწირველს, ბინაც კი ბანკში იპოთეკური სესხის უზრუნველყოფაში აქვს ჩადებული.
• “ქართუ ბანკის” მმართველი ნატო ხაინდრავა 60 ათასი ლარით “ოცნების” ყველაზე მსხვილი სპონსორია
• “ქართუს” გენერალური დირექტორის მოადგილემ, ზურაბ გოგუამ “ოცნებას”  55 ათასი ლარი აჩუქა.
• სიაში კიდევ რამდენიმე საინტერესო პირია “ქართუდან”-  ერთი ირინა მუსერიძეა. ის 1998 წლიდან მუშაობს “ქართუში”  ადამიანური რესურსების განყოფილებაში. მან  მოძალადე რეჟიმს 33 ათასი აჩუქა.
• ერთი დღით ადრე 28 იანვარს ნიკოლოზ ჩარკვიანმა კი “ოცნებას” 55  ათასი ჩაურიცხა. ბოლო ცნობით,  რომელიც ინტერნეტში იძებნება, ჩარკვიანი “ქართუში” ხაზინის დეპარტამენტის დირექტორის მოადგილეა.
• ანტიდასავლური ძალის დამფინანსებელთა შორისაა  მადონა მამაცაშვილიც – მან ივანიშვილის პარტიას 30 ათასი ლარი აჩუქა.

მედიის ცნობით, დოკუმენტების შესწავლის შედეგად დგინდება, რომ რუსეთის დაზვერვასთან კავშირში მხილებული, ამერიკის მიერ სანქცირებული და მაგნიტსკის სიის კანდიდატის პარტიას წელს მცირე დახმარება გაუწია კახა კალაძემ. თბილისის მერმა “ოცნებას” მხოლოდ 12 ათასი ლარი აჩუქა.

ათი ათასი ლარის შემოწირულობით დაეხმარა “ოცნებას” ღარიბაშვილის სიმამრი თამაზ თამაზაშვილი.

• “ოცნების” სპონსორებს შორისაა ბიზნესმენი კახაბერ გაბეშია – კომპანია “ათენას” დირექტორი, რომელმაც 3 თებერვალს, 30 ათასი ლარი ჩაურიცხა რეჟიმს.

“შაბათის ეთერმა” ოცნების სპონსორებს შორის აღმოაჩინა “ბოლერო და კომპანიას” დირექტორი. დავით ბოჭორიშვილმაც 6 თებერვალს გადაწვიტა, ივანიშილის პარტიის მხარდაჭერა. მან  ეს უკვე მესამედ გააკეთა. პირველად 2023 წელს, მაშინ “ოცნებას” 50 ათასი, 2024 წელს 30 ათასი, ახლა კი მწამებელი რეჟიმი 40 ათასით დააჯილდოვა.

ალკოჰოლური  სასმელების მწარმოებელი კომპანიის პრეზიდენტი ვახტანგ კარიჭაშვილი 2023 წლიდან უკრაინის მიერაა სანქცირებული. კარიჭაშვილს  ივანიშვილის დეიდაშვილთან, უჩა მამაცაშვილთან მჭიდრო ბიზნესს კავშირები აქვს. ვახტანგ კარიჭაშვილს პროდუქტი გააქვს გასაყიდად  რუსეთის ფედერაციაშიც. კარიჭაშვილის კომპანიის დირექტორი ირაკლი ბექაურიც რეჟიმის სპონსორია. ბექაურმა ოლიგარქის პარტიას 60 ათასი ლარი აჩუქა.

The post 150 000 “იბერიოლის” მფლობელებისგან, 12 000 კალაძისგან, 10 000 ღარიბაშვილის სიმამრისგან – რეჟიმის სპონსორები appeared first on .