Green Residence Vera- ახალი ელიტარული საცხოვრებელი კომპლექსი ვერაზე

ძველი თბილისური ხასიათი საუკეთესოდ ძველ უბნებში იგრძნობა, მიუხედავად იმისა, რომ აქ დროსთან ერთად ისტორია თანამედროვე ცხოვრების რიტმს ხვდება.
თბილისის ძველი უბნები, რაც წლები გადის, როგორც საცხოვრებლად, ისე საინვესტიციოდ სულ უფრო მიმზიდველი ხდება. თუმცა ხშირად ისტორიულ არეალებში შეზღუდული განაშენიანების გამო ახალი პროექტები ნაკლებად ხორციელდება. ასეთია მაგალითად უბანი ვერა, სადაც მოთხოვნა საცხოვრებელ ბინებზე მაღალია, მაგრამ შესაბამისი აპარტამენტების მოძიება ჭირს.
ამ გამოწვევების საპასუხოდ, სულ ცოტა ხნის წინ ვერაზე, მწვანე, მყუდრო და უნიკალური სახლის მშენებლობა დაიწყო. Green Residence Vera სივრცეა, სადაც პროექტის ავტორების თქმით, ყველაფერია ჰარმონიული ცხოვრებისთვის. ავტორები მიიჩნევენ, რომ კომპლექსის მთავარი კონცეფცია მყუდრო დასახლების შექმნა იყო, სადაც აქცენტი მწვანე გარემოზე, ისტორიული თბილისის ხედებზე და თანამედროვე ინფრასტრუქტურაზე გაკეთდა.
“სახლი ხომ ადგილია, სადაც გელოდებიან და შენი მისვლა უხარიათ?- ჩვენც ასეთ სამეზობლოს ვქმნით. გვინდა, თანამედროვე ცხოვრების რიტმით დაღლილები, ყოველდღე ვიღვიძებდეთ სივრცეში, სადაც ადამიანური ურთიერთობები ისევ ისე ფასობს როგორც ადრე. ჩვენი ყოველდღიურობა კი უფრო მყუდრო, მწვანე და ჯანსაღია”, – ამბობენ პროექტის ავტორები.
თანამედროვე საცხოვრებელ სახლს, რომელიც გურამ რჩეულიშვილის ქუჩაზე შენდება და 15 სართულს აერთიანებს, საკუთარი მიწისქვეშა საპარკინგე სივრცე და ლობი ექნება. ლობიში მობინადრეებს ღიმილიანი სალმით ყოველდღე კონსიერჟი დახვდება, რომელიც მათ საჭიროებებზე იზრუნებს.
“Green Residence Vera-ს ერთ-ერთი მთავარი უპირატესობა გარანტირებული პანორამული ხედებია. ჩვენი აპარტამენტებიდან საუკეთესოდ ჩანს ძველი თბილისის პეიზაჟები. საცხოვრებელ სახლში მთავარ აქცენტს სიმწვანესა და ჯანსაღ გარემოზე ვაკეთებთ, შესაბამისად, კომპლექსს 2300 კვ.მ მწვანე ეზო ექნება, რომელიც მოსასვენებელი არეალებით, სპორტული ინფრასტრუქტურით და საბავშვო გასართობი ზონებით იქნება დატვირთული”, – აცხადებენ კომპანიაში.
მიღმა ამისა, პროექტის იდეის ავტორების გადაწყვეტილებით, საცხოვრებელ სახლშივე თანამედროვე სპორტული ინვენტარით და ტრენაჟორებით აღჭურვილი სპორტ დარბაზი იფუნქციონირებს, რაც ჯანსაღი ცხოვრების მოყვარულებისთვის ვარჯიშს უფრო მარტივს გახდის.
Green Residence Vera თავისი სტრატეგიული ადგილმდებარეობიდან გამომდინარე საინტერესო აქტივია როგორც საცხოვრებლად ისე საინვესტიციოდ. ვერაზე უძრავი ქონების ღირებულება მზარდია, შესაბამისად, პროექტის ავტორების განმარტებით, კომპლექსში არსებული აპარტამენტები საიმედო ინვესტიციაა, რომელსაც მაღალი ამონაგების აქვს.
საცხოვრებელი სახლის ადგილმდებარეობა მიმზიდველია ტურისტებისთვისაც, რაც Green Residence Vera-ს დამატებით ღირებულებას სძენს.
მწვანე, მყუდრო და უნიკალური საცხოვრებელი სახლის მშენებლობა მაღალი ხარისხის სამშენებლო მასალებით მიმდინარეობს. პროცესში მთავარი აქცენტი მშენებლობის ხარისხსა და დადგენილი ვადების დაცვაზე კეთდება. ამ ეტაპზე კორპუსის 30% უკვე აშენებულია. დადგენილი ვადებით სამშენებლო სამუშაოები ადგილზე სრულად 2026 წელს დასრულდება.