აჭარის მთავრობის ახალ შემადგენლობას უმაღლესი საბჭო, სავარაუდოდ, ორშაბათს დაამტკიცებს - საკითხი განსახილველად კომიტეტებს უკვე გადაეცა
აჭარის მთავრობის ახალ შემადგენლობას უმაღლესი საბჭო, სავარაუდოდ, ორშაბათს დაამტკიცებს. დღეს, ბიუროს სხდომის გადაწყვეტილებით, მთავრობის ახალი შემადგენლობა უმაღლესი საბჭოს კომიტეტებს განსახილველად გადაეცა. აჭარის უმაღლესი საბჭოს თავმჯდომარის განცხადებით, ორი დღის განმავლობაში დაგეგმილია საკომიტეტო მოსმენები, სადაც მთავრობის თავმჯდომარეობის კანდიდატმა მინისტრთა კაბინეტის შემადგენლობასთან ერთად სამთავრობო გეგმა უნდა წარადგინოს. დავით გაბაიძის განცხადებით, ამ ეტაპზე მინისტრთა კაბინეტში ცვლილება არ არის. მისივე განმარტებით, თორნიკე რიჟვაძე რჩება გუნდის წევრად. "ბატონი თორნიკე რჩება გუნდის წევრად. ის თუ რა იყო მოტივატორი მისი მხრიდან აღნიშნული გადაწყეტილების ეს შეგიძლიათ მას თავად ჰკითხოთ. გექნებათ შესაძლებლობა, რომ შეხვდეთ მას სხვადასხვა ფორმატში და შესაბამისად, ჯობია მისგან მიიღოთ ინფორმაცია აღნიშნულის შესახებ. კანონმდებლობა მკაფიოდ განსაზღვრავს თუ როგორ ხდება თანამდებობის პირის მიერ პოსტის დატოვება. საჯარო სივრცეში გაკეთებული განცხადება, ფეისბუქიც მათ შორის საჯარო სივრცეა, სამართლებრივად აბსულუტურად არის საკამრისი, რომ გადადგომის აქტი ჩაითვალოს შემდგარად და დაიწყოს შემდეგი პროცედურები" - განაცხადა დავით გაბაიძემ.
აჭარის მთავრობის ახალ შემადგენლობას უმაღლესი საბჭო, სავარაუდოდ, ორშაბათს დაამტკიცებს. დღეს, ბიუროს სხდომის გადაწყვეტილებით, მთავრობის ახალი შემადგენლობა უმაღლესი საბჭოს კომიტეტებს განსახილველად გადაეცა.
აჭარის უმაღლესი საბჭოს თავმჯდომარის განცხადებით, ორი დღის განმავლობაში დაგეგმილია საკომიტეტო მოსმენები, სადაც მთავრობის თავმჯდომარეობის კანდიდატმა მინისტრთა კაბინეტის შემადგენლობასთან ერთად სამთავრობო გეგმა უნდა წარადგინოს.
დავით გაბაიძის განცხადებით, ამ ეტაპზე მინისტრთა კაბინეტში ცვლილება არ არის. მისივე განმარტებით, თორნიკე რიჟვაძე რჩება გუნდის წევრად.
"ბატონი თორნიკე რჩება გუნდის წევრად. ის თუ რა იყო მოტივატორი მისი მხრიდან აღნიშნული გადაწყეტილების ეს შეგიძლიათ მას თავად ჰკითხოთ. გექნებათ შესაძლებლობა, რომ შეხვდეთ მას სხვადასხვა ფორმატში და შესაბამისად, ჯობია მისგან მიიღოთ ინფორმაცია აღნიშნულის შესახებ.
კანონმდებლობა მკაფიოდ განსაზღვრავს თუ როგორ ხდება თანამდებობის პირის მიერ პოსტის დატოვება. საჯარო სივრცეში გაკეთებული განცხადება, ფეისბუქიც მათ შორის საჯარო სივრცეა, სამართლებრივად აბსულუტურად არის საკამრისი, რომ გადადგომის აქტი ჩაითვალოს შემდგარად და დაიწყოს შემდეგი პროცედურები" - განაცხადა დავით გაბაიძემ.
What's Your Reaction?
