ახალდაქორწინებულები 5000 ლარს მიიღებენ, თუ ტყუპი ეყოლათ, 10 000 ლარს… – ვინ შეძლებს თანხის მიღებას ?

თიანეთის მუნიციპალიტეტის მერის ლევან წიკლაურის ინიციატივით, ახალშობილთა ოჯახების ერთჯერადი ფინანსური დახმარება გაიზარდა:

I შვილი – 1500 ლარი, ნაცვლად 300 ლარისა;

II შვილი – 3000 ლარი, ნაცვლად 400 ლარისა;

III შვილი – 4500 ლარი, ნაცვლად 500 ლარისა;

ყოველ მომდევნო შვილზე არსებული თანხა გაიზრდება 1500 ლარით.

ტყუპები – 10 000 ლარი,  ნაცვლად 1000 ლარისა;

გარდა ამისა, ფულადი დახმარება ყოველთვიურად გადაეცემათ 1 წლამდე ბავშვის ოჯახებს:

I შვილი – ყოველთვიურად 150 ლარი;

II შვილი – 300 ლარი;

III შვილი – 450 ლარი;

ყოველ მომდევნო შვილზე არსებული თანხა გაიზრდება 150 ლარით.

ფინანსური დახმარების მისაღებად, მერიაში მშობლის განაცხადი უნდა დაფიქსირდეს ბავშვის დაბადებიდან 3 თვის განმავლობაში.

ამასთან, აუცილებელია, ორივე მშობელი რეგისტრირებული იყოს თიანეთის მუნიციპალიტეტში;

ორივე მათგანს მინიჭებული ჰქონდეს “მაღალმთიან დასახლებაში მუდმივად მცხოვრები პირის” სტატუსი, რაც ნიშნავს იმას, რომ კალენდარული წლის განმავლობაში ჯამში 9 თვე ან 9 თვეზე მეტი ვადით ფაქტობრივად ცხოვრობდეს თიანეთის მუნიციპალიტეტში.

აგრეთვე, ლევან წიკლაურის ინიციატივით, მუნიციპალიტეტში მცხოვრები ახალდაქორწინებული ოჯახი, ფინანსური წახალისების მიზნით, მიიღებს ერთჯერად ფულად დახმარებას 5 000 ლარის ოდენობით: 
 
– თუ მეუღლეები, ერთ-ერთი ან ორივე, ქორწინებამდე რეგისტრირებული იყვნენ თიანეთის მუნიციპალიტეტში;

–  დახმარების მოთხოვნის დროისთვის ორივე მათგანს აქვს “მაღალმთიან დასახლებაში მუდმივად მცხოვრები პირის” სტატუსი და კალენდარული წლის განმავლობაში, ჯამში 9 თვე ან 9 თვეზე მეტი ვადით, ფაქტობრივად  ერთად ცხოვრობენ თიანეთის მუნიციპალიტეტში.

ახალდაქორწინებულად ჩაითვლება ოჯახი თუ ქორწინება, სამოქალაქო კოდექსის შესაბამისად, რეგისტრირებულია 2025 წლის 1-ელი აპრილის შემდგომ.

დახმარების მოთხოვნის უფლება არ აქვთ:

1. არარეგისტრირებულ ქორწინებაში მყოფ პირებს, რომლებსაც ფაქტობრივად შექმნილი ჰქონდათ ოჯახი, ერთად ცხოვრობდნენ და ეწეოდნენ საერთო საოჯახო მეურნეობას 2025 წლის 1-ელ აპრილამდე.

2.  საქართველოს სამოქალაქო კოდექსით გათვალისწინებული ფიქციურ ქორწინებაში მყოფ პირებს.

ახალდაქორწინებულებს უფლება აქვთ აღნიშნული დახმარების მიღება მოითხოვონ ქორწინების რეგისტრაციიდან არაუგვიანეს 12 თვისა.

The post ახალდაქორწინებულები 5000 ლარს მიიღებენ, თუ ტყუპი ეყოლათ, 10 000 ლარს… – ვინ შეძლებს თანხის მიღებას ? appeared first on elNews.ge.