ბექა ადამაშვილი: არ ვიცი, რას ეძახით მშვიდობას, მაგრამ არ არის ეს ეგ. ომია საკუთარი მომავლის წინააღმდეგ და ვინმე თუ ჯერ კიდევ დიფ სტეიტის ზღაპარს აშტერებინებთ თავს…
“ქვეყანაში ყველგან საფრთხეა ჩასაფრებული – ჰაერში, რძის კოლოფში, საკვებში, სადარბაზოებში, ზებრებზე, უკატალიზატორო მანქანებში, მშენებლობებში, აშენებულებში, ბრენდულ სასტუმროებში… ქუჩაში ბრმა ტყვიას უნდა ერიდო, პარკებში – სეირნობას. თან ძირს უნდა იყურო, რომ ვიღაცის ნახმარი ნემსი არ შეგერჭოს, თან ცაში, რომ თავში არაფერი დაგეცეს. ცალმხრივზე ორივე მხარეს უნდა გაიხედო, რომ ვიღაც ბობოლას ნასვამმა ნათესავმა არ გაგიტანოს. ერთი ექიმი […]
“ქვეყანაში ყველგან საფრთხეა ჩასაფრებული – ჰაერში, რძის კოლოფში, საკვებში, სადარბაზოებში, ზებრებზე, უკატალიზატორო მანქანებში, მშენებლობებში, აშენებულებში, ბრენდულ სასტუმროებში… ქუჩაში ბრმა ტყვიას უნდა ერიდო, პარკებში – სეირნობას. თან ძირს უნდა იყურო, რომ ვიღაცის ნახმარი ნემსი არ შეგერჭოს, თან ცაში, რომ თავში არაფერი დაგეცეს. ცალმხრივზე ორივე მხარეს უნდა გაიხედო, რომ ვიღაც ბობოლას ნასვამმა ნათესავმა არ გაგიტანოს. ერთი ექიმი მეორესთან უნდა გადაამოწმო, ორივე – მესამესთან. ჩივილი რომ მოგინდეს, შეიძლება იქით დაგაჯარიმონ, იქით დაგიჭირონ, იქით გცემონ და ათასი კიდევ. ეს ყველაფერი აგერ. აქვე. ორ ნაბიჯზე.
და აი ამ დროს თურმე არარსებული დიფ სთეითი ყოფილა მთავარი საფრთხე.
აი, მართლა რა დიფ სთეითი. რა ქალი ქალია და კაცი – კაცი. რა ქართველობის წართმევა. შობადობა ყველაზე დაბალ ნიშნულზეა და ვინც იბადება, იმასაც ბედმა უნდა გაუღიმოს, რომ ნორმალურად გაიზარდოს.
არ ვიცი, რას ეძახით მშვიდობას, მაგრამ არ არის ეს ეგ. ომია საკუთარი მომავლის წინააღმდეგ და ვინმე თუ ჯერ კიდევ დიფ სტეიტის ზღაპარს აშტერებინებთ თავს, აღარაფერი მაქვს უკვე თქვენთან საერთო. სკინტლის გარდა. ეგეც იძულებით,” – წერს სოციალურ ქსელში ჟურნალისტი, მწერალი, იუმორისტი და ბლოგერი ბექა ადამაშვილი.
What's Your Reaction?
