გაგა გოგსაძე: ვერ მაიძულებთ, რომ ოდესმე მოთვინიერებული სიტყვებით ვწერო
პოეტი გაგა გოგსაძე სოციალურ ქსელში წერს: თავისუფალი სიტყვისა და ზოგადად, ქვეყნის დამსამარებელ ქართულ ოცნებას სძულს საქართველო. თქვენ შეგიძლიათ დამაპატიმროთ, მაგრამ მე ვერასდროს ვიქნები პოეტი, რომლის სულსაც ტუსაღად აქცევთ. ვერ მაიძულებთ, რომ ოდესმე მოთვინიერებული სიტყვებით ვწერო. #ცეცხლიოლიგარქიას! #თავსუფლებარეჟიმისტყვეებს!!!! მონები მონები ახლა ჯალათურად სტყორცნიან შუბებს, სიცარიელით იდღაბნიან პირხმელ იერებს. ცას ადნობს მიწა, ჭაობადაც კი შეაგუბებს, რომელშიც გველი […]
პოეტი გაგა გოგსაძე სოციალურ ქსელში წერს:
თავისუფალი სიტყვისა და ზოგადად, ქვეყნის დამსამარებელ ქართულ ოცნებას სძულს საქართველო. თქვენ შეგიძლიათ დამაპატიმროთ, მაგრამ მე ვერასდროს ვიქნები პოეტი, რომლის სულსაც ტუსაღად აქცევთ. ვერ მაიძულებთ, რომ ოდესმე მოთვინიერებული სიტყვებით ვწერო.
მონები
მონები ახლა ჯალათურად სტყორცნიან შუბებს,
სიცარიელით იდღაბნიან პირხმელ იერებს.
ცას ადნობს მიწა, ჭაობადაც კი შეაგუბებს,
რომელშიც გველი ქართულ სიტყვას ათვინიერებს.
შენი დუმილით რომ სისინებს, სწორედ ის გველი,
მალე შენშივე სინათლის ტყეს გაამეჩხერებს
და სინანული ვერ გიშველის შენ დამდაგველი,
შეუერთდები დიდი კვდომის პატარა ერებს.
მონები ახლა ისე ჰგვანან სიტყვის მსაჯულებს,
როგორც ტყუპსცალს ტყუპისცალი უშნო ნაკვთებით.
მიწა ცას ადნობს, შეაგუბებს და მოარჯულებს,
ოცნების ჭაობს მდუმარებით ნუ შეაკვდებით!
What's Your Reaction?
