გერმანიამ 2025 წლისთვის უკრაინისთვის კიდევ 3 მილიარდი ევროს ღირებულების სამხედრო დახმარება დაამტკიცა
გერმანიის პარლამენტმა 2025 წლისთვის უკრაინისთვის კიდევ 3 მილიარდი ევროს ღირებულების სამხედრო დახმარება დაამტკიცა. შესაბამისი გადაწყვეტილება გერმანიის პარლამენტის (ბუნდესტაგის) საბიუჯეტო კომიტეტმა მიიღო. აღნიშნული 3 მილიარდი ევრო გერმანიის მიერ უკრაინისთვის 2025 წლისთვის უკვე დაგეგმილ 4 მილიარდი ევროს ღირებულების სამხედრო დახმარებას დაემატება. 2026-2029 წლებისთვის გერმანიას უკრაინის დასახმარებლად დამატებითი კიდევ 8.3 მილიარდი ევრო აქვს გამოყოფილი. უკრაინისთვის დამატებითი სახსრების გამოყოფა […]
გერმანიის პარლამენტმა 2025 წლისთვის უკრაინისთვის კიდევ 3 მილიარდი ევროს ღირებულების სამხედრო დახმარება დაამტკიცა. შესაბამისი გადაწყვეტილება გერმანიის პარლამენტის (ბუნდესტაგის) საბიუჯეტო კომიტეტმა მიიღო.
აღნიშნული 3 მილიარდი ევრო გერმანიის მიერ უკრაინისთვის 2025 წლისთვის უკვე დაგეგმილ 4 მილიარდი ევროს ღირებულების სამხედრო დახმარებას დაემატება. 2026-2029 წლებისთვის გერმანიას უკრაინის დასახმარებლად დამატებითი კიდევ 8.3 მილიარდი ევრო აქვს გამოყოფილი.
უკრაინისთვის დამატებითი სახსრების გამოყოფა გერმანიის თავდაცვის სამინისტრომ და საგარეო საქმეთა სამინისტრომ მოითხოვეს.
გერმანიის თავდაცვის მინისტრის ბორის პისტორიუსის სპიკერის თანახმად, უკრაინისთვის გადაცემულ სამხედრო დახმარებაში იქნება IRIS-T საჰაერო თავდაცვის სისტემები, მართვადი რაკეტები, სადაზვერვო რადარები, დრონები, საბრძოლო მანქანები და მსუბუქი შეიარაღება.
„ევროპის უსაფრთხოებისთვის ისტორიული გადაწყვეტილება გერმანიაში! ეს ჩვენი პასუხია უსაფრთხოების გამოწვევებზე. ეს უკრაინის მხარდაჭერაა. ეს პასუხისმგებლობაა ძლიერი ევროკავშირისთვის“, – აღნიშნავს უკრაინაში გერმანიის საელჩო.
What's Your Reaction?
