“ვისაუბრე საქართველოზე, საქართველოს მნიშვნელობაზე როგორც სტრატეგიული პარტნიორის ამერიკის შეერთებული შტატებისთვის” – გიგი წერეთელი

სააგენტო "პარალელი"
“ვისაუბრე საქართველოზე, საქართველოს მნიშვნელობაზე როგორც სტრატეგიული პარტნიორის ამერიკის შეერთებული შტატებისთვის” – გიგი წერეთელი

“ერთიანობა ნაციონალური მოძრაობის” ლიდერი გიგი წერეთელი აშშ-ს კონგრესში გამართულ უსაფრთხოების ფორუმს დაესწრო, სადაც განიხილებოდა აშშ-ს როლი, ევროპაში რუსეთის, ჩინეთისა და ირანის მიერ გატარებულ პოლიტიკაში. პარტიის ლიდერი ფორუმზე სიტყვით წარსდგა, სადაც საქართველოში მიმდინარე მოვლენებზე ისაუბრა.

ასევე, გიგი წერეთელმა შეხვედრები გამართა, არაღიარების აქტის ინიციატორ სტივ კოენთან, მეგობარი აქტის მხარდამჭერებთან ჯო ვილსონთან, რიჩარდ ჰადსონთან და რობერტ ადერჰოლტთან, ასევე ის შეხვდა სენატის კომიტეტების თავმჯდომარეებს – მაიკ ლიის და რიჯერ ვიკერს:

“აშშ-ის კონგრესში გაიმართა ძალიან საინტერესო ფორუმი, რომელიც ეხებოდა უსაფრთხოების საკითხებს. პირველ რიგში ეს ეხებოდა რუსეთისგან მომდინარე საფრთხეებს, ასევე ჩინეთისა და ირანისაგან ევროპის რეგიონში და იმ პოლიტიკას, რომელიც უნდა დაუპირისპირდეს ამას.

მე ბუნებრივია ვისაუბრე საქართველოზე, საქართველოს მნიშვნელობაზე როგორც სტრატეგიული პარტნიორის ამერიკის შეერთებული შტატებისთვის, ასევე დღეს არსებულ პოლიტიკურ კრიზისზე, ჩვენი ხალხის ბრძოლაზე დამოუკიდებლობისთვის და თავისუფლებისთვის და იმაზე, რომ ამას სჭირდება აშშ-ის ახალი ადმინისტრაციისგან გაცილებით უფრო სწრაფი, ეფექტური და ქმედითი ნაბიჯების გადადგმა”, – განაცხადა გიგი წერეთელმა.

ინფორმაციას “ერთიანობა ნაციონალური მოძრაობის” პრესსამსახური ავრცელებს

“ვისაუბრე საქართველოზე, საქართველოს მნიშვნელობაზე როგორც სტრატეგიული პარტნიორის ამერიკის შეერთებული შტატებისთვის” – გიგი წერეთელი
პარალელი