“თეა წულუკიანის მამა საქართველოს ისტორიაში ერთ-ერთი ყველაზე სისხლიანი მოსამართლეა” – ზაზა ბიბილაშვილი

სააგენტო "პარალელი"
“თეა წულუკიანის მამა საქართველოს ისტორიაში ერთ-ერთი ყველაზე სისხლიანი მოსამართლეა” – ზაზა ბიბილაშვილი

,,ჭავჭავაძის კვლებითი ცენტრის” დამფუძნებელი, ზაზა ბიბილაშვილი სოციალურ ქსელში სტატუსს აქვეყნებს, სადაც მწვავე შეფასებას აკეთებს თეა წულუკიანისა და მისი მამის მიერ განხორციელებულ საქმიანობებთან დაკავშირებით:

,,თეა წულუკიანის მამა საქართველოს ისტორიაში ერთ-ერთი ყველაზე სისხლიანი მოსამართლეა. მას 20 ადამიანისთვის აქვს გამოტანილი სასიკვდილო განაჩენი. 20 ადამიანის დახვრეტაზე აქვს ხელი მოწერილი. ო-ც-ი.

ცნობილია, რომ ის “ასწრებდა” სასიკვდილო განაჩენების გამოტანას მაშინ, როცა უკვე ლამის ყველამ იცოდა, რომ სიკვდილით დასჯა მალე გაუქმდებოდა.

ამ პათოლოგიურ, ჩეკისტურ გარემოშია გაზრდილი ეს უემოციო სოციოპატი, რომელიც ახლა საქართველოს ისტორიაში ერთ-ერთ ყველაზე წარმატებულ 9-წლიან პერიოდს ასამართლებს.

თავად თეა წულუკიანის დანაშაულებს რაც შეეხება, აქ მხოლოდ ერთს გავიხსენებ – იმას, რომელიც მას თავად აქვს ნაღიარები – როცა ღია ეთერში ჟურნალისტს უთხრა, “ქიბარ ხალვაშის” მიერ რუსთავი 2-ის წაღება თქვენ მართლა სასამართლოს დამსახურება ხომ არ გგონიათ, იუსტიციის სამინისტროს შრომაა ლომის წილიო.

ხოდა… ბოლო 100 წელია, საქართველოში მოღალატეები ასამართლებენ პატრიოტებს. რუსები ასამართლებენ ქართველებს. სიბინძურე ასამართლებს იდეალიზმს.

ასე გაასამართლეს ბოლშევიკებმა საქართველოს პირველი რესპუბლიკა, პუტჩისტებმა – ზვიად გამსახურდია (ეროვნული მოძრაობის დანარჩენი ლიდერები კაგებემ მოკლა, სხვადასხვა დროს), ახლა კი ეს ჭუჭყი, წულუკიანი ასამართლებს ხანას, რომელმაც საქართველო მსოფლიოში სამაგალითო რეფორმატორ სახელმწიფოდ აქცია.

არ უნდა მივცეთ ამისი უფლება. რადგან ისტორიისთვის ომი ჩვენი მომავლისთვის ომია”, – წერს ზაზა ბიბილაშვილი.

ავტორი
ნინი ხიჯაკაძე

“თეა წულუკიანის მამა საქართველოს ისტორიაში ერთ-ერთი ყველაზე სისხლიანი მოსამართლეა” – ზაზა ბიბილაშვილი
პარალელი