“იზოლაციაში მყოფი “ქართული ოცნება” კვერცხის უკან იმალება” – გიორგი ვაშაძე

სააგენტო "პარალელი"
“იზოლაციაში მყოფი “ქართული ოცნება” კვერცხის უკან იმალება” – გიორგი ვაშაძე

“რეჟიმი ცდილობს, რომ ამჯერად კვერცხით შენიღბოს საკუთარი სისუსტე” – ამის შესახებ “სტრატეგია აღმაშენებლის” ლიდერმა გიორგი ვაშაძემ განაცხადა.

ვაშაძის თქმით რეჟიმის სცენარი მარტივია: პროვოკაციებით, ლაჩრობით და კვერცხის სროლით ცდილობენ შენიღბონ საკუთარი სისუსტე, არალეგიტიმურობა, იზოლაცია და ღრმა პოლიტიკური კრიზისი:

“დავსვათ კითხვა, რატომ დაესხა თავს ივანიშვილი სალომე ზურაბიშვილს? რისი გადაფარვა სურს ამ ქმედებით?

პასუხი მარტივია – რეჟიმი ცდილობს, რომ ამჯერად კვერცხით შენიღბოს საკუთარი სისუსტე, რადგან:

1. არავინ ცნობს “ქართული ოცნებას” საერთაშორისო ასპარეზზე, მათ ლეგიტიმაცია არ აქვთ!

2. სუსტია, რადგან ამერიკამ, ბრიტანეთმა და ევროკავშირის წევრებმა დაუწესეს სანქციები რეჟიმის წარმომადგენლებს;

3. სუსტია, რადგან პროტესტი არ ჩერდება და ხალხი ყოველდღე უფრო ხმამაღლა მოითხოვს ცვლილებებს.

მიუნხენიდანაც მათ არანაირი მოსაწვევი არ მიუღიათ, სრულ იზოლაციაში არიან და იზოლაციაში მყოფი “ქართული ოცნება” კვერცხის უკან იმალება. კვერცხები ლეგიტიმაციის ნაცვლად – ეს არის მათი არჩევანი!

სალომე ზურაბიშვილი წარმოადგენს ქართველ ხალხს საერთაშორისო ასპარეზზე, ხოლო “ქართულ ოცნებას” კარი ყველგან დახურული აქვს – მათ ლეგიტიმაციას არ ცნობენ!

რეჟიმის სცენარი მარტივია: პროვოკაციებით, ლაჩრობით და კვერცხის სროლით ცდილობენ შენიღბონ საკუთარი სისუსტე, არალეგიტიმურობა, იზოლაცია და ღრმა პოლიტიკური კრიზისი!

არ ავყვეთ მათ პოლიტიკურ ცრუ დღისწესრიგს! ჩვენი ბრძოლა საქართველოსა და მისი ევროპული მომავლისთვის გრძელდება!” – განაცხადა ვაშაძემ.

ინფორმაციას პოლიტიკური პარტია “გიორგი ვაშაძე – სტრატეგია აღმაშენებლის” მედიასთან და საზოგადოებასთან ურთიერთობის სამსახური ავრცელებს

“იზოლაციაში მყოფი “ქართული ოცნება” კვერცხის უკან იმალება” – გიორგი ვაშაძე
პარალელი