ინგლისს არ ტოვებს - როგორია "ლივერპულის" სათადარიგო მეკარე კელეჰერის მომავალი?

"ლივერპულის" მეკარე კივინ კელეჰერი კარიერის ახალ ეტაპზე გადადის — ირლანდიელი ფეხბურთელი "ბრენტფორდის" რიგებს შეუერთდება. კლუბებს შორის შეთანხმება უკვე დასრულებულია და ტრანსფერის საერთო ღირებულება დაახლოებით €21 მილიონია, მათ შორის ბონუსებიც.

26 წლის კელეჰერი ბრენტფორდში მარკ ფლეკენს ჩაანაცვლებს, რომელიც კარიერას უკვე ოფიციალურად „ლევერკუზენში“ გააგრძელებს. კელეჰერი „ლივერპულის“ აკადემიის აღზრდილია და პირველ გუნდში 2019 წლიდან თამაშობდა. ამ პერიოდში მან 67 შეხვედრაში მიიღო მონაწილეობა და 24-ჯერ კარი მშრალად შეინახა.

კელეჰერის ტრანსფერის ფონზე, "ლივერპულის" მომავალი სეზონის გეგმა კიდევ უფრო ცხადი ხდება — გუნდს შეუერთდება გიორგი მამარდაშვილი, რომელმაც "ვალენსია" უკვე დატოვა. ქართველი მეკარე პრემიერ ლიგაში გადადის და პრე-სეზონის განმავლობაში ოფიციალურად გახდება „ლივერპულის“ წევრი.

ალისონი ახალი სეზონისთვის მერსისაიდელებს ძლიერ მეკარეთა დუოს ჰპირდება. თუმცა, ბევრი ვარაუდობს, რომ კლუბი მომავლის მეკარედ მამარდაშვილს განიხილავს, განსაკუთრებით თუ ბრაზილიელი კიპერის მომავალი რომელიმე საუდის კლუბთან დაკავშირებული ჭორები რეალობად იქცევა.

მიუხედავად იმისა, რომ ირლანდიელი მეკარე წლების განმავლობაში ერთგულად ემსახურებოდა "ლივერპულს", პირველ ნომრად დამკვიდრება მისთვის რთული აღმოჩნდა. ახლა კი, "ბრენტფორდში" მას ექნება სრულფასოვანი სათამაშო დრო, რაც, როგორც თავად ფეხბურთელი ამბობდა, მისთვის კარიერულად აუცილებელია.