ისტორია მეორდება? - მამარდაშვილის კონკურენტი ალისონი ლივერპულის შეკრებას გამოაკლდა
ისტორია მეორდება? - ალისონ ბეკერმა ლივერპულის შეკრება დატოვა
ლივერპულის წინასასეზონო ტური აზიაში დასასრულს უახლოვდება და არნე სლოტის გუნდი ბოლო ამხანაგურ მატჩს იოკოჰამას წინააღმდეგ ჩაატარებს. იაპონური ტურნე მნიშვნელოვანი ეტაპია გუნდის ახალი სეზონისთვის მზადების პროცესში, განსაკუთრებით კი იმ ფეხბურთელებისთვის, რომლებიც ახალ გუნდში ინტეგრაციის ეტაპზე არიან ან მეტი სათამაშო დროის მიღებისთვის იბრძვიან.
მატჩის წინ ერთ-ერთი მთავარი სიახლეა ალისონის დროებითი არყოფნა – ბრაზილიელმა მეკარემ კლუბი პირადი, ოჯახური მიზეზების გამო დატოვა. სწორედ ამ გარემოებამ მისცა გიორგი მამარდაშვილს მნიშვნელოვანი შანსი, რომ თავი უკეთ წარმოჩინოს და ძირითად შემადგენლობაში ადგილი მოიპოვოს.
მამარდაშვილმა უკვე მოირგო ლივერპულის მაისური ორ ამხანაგურ შეხვედრაში – პრესტონისა და მილანის წინააღმდეგ, და ორივე შემთხვევაში სტაბილურად იასპარეზა. იოკოჰამას წინააღმდეგ მოახლოებული შეხვედრა კი, სავარაუდოდ, კიდევ ერთი შესაძლებლობა იქნება ქართველისთვის, მერსესაიდული გუნდის მაისურით თავი მაღალ დონეზე წარმოაჩინოს.
აღსანიშნავია, რომ ლივერპული 10 აგვისტოს უკვე პირველ ოფიციალურ მატჩს გამართავს — ასოციაციის თასის ფინალში კრისტალ პალასის წინააღმდეგ. შესაბამისად, იოკოჰამასთან შეხვედრა შესაძლოა გადამწყვეტი აღმოჩნდეს იმისთვის, რომ გიორგი სეზონის სტარტზეც კონკურენტუნარიანად დარჩეს ძირითადისთვის ბრძოლაში.
What's Your Reaction?
