მთივლიშვილი შუბლაძეს: გვითხარით, როდის მისცემთ მზია ამაღლობელის ადვოკატს შესაძლებლობას, რათა უარყოს კობახიძის მიერ გაკეთებული ცილისმწამებლური და უდანაშაულობის პრეზუმფციის დამრღვევი განცხადებები
ჟურნალისტი გელა მთივლიშვილი რუსთავი 2-ის ჟურნალისტს, ნინო შუბლაძეს სოციალური ქსელით მიმართავს: Nino Shubladze Rustavi 2 • რუსთავი 2 ნინო, 6 მაისს მოგმართეთ წერილობითი განცხადებით და გთხოვეთ, მზია ამაღლობელის ადვოკატისთვის დაგეთმოთ ეთერი თქვენივე გადაცემაში (ღამის კურიერი), რომელშიც, 16 აპრილს, „ქართული ოცნების“ პრემიერ-მინისტრმა გაავრცელა მცდარი ინფორმაცია. მზიას ცილი დასწამა და მისი უდანაშაულობის პრეზუმფცია დაარღვია. წერილს ხელს ვაწერდით […]
ჟურნალისტი გელა მთივლიშვილი რუსთავი 2-ის ჟურნალისტს, ნინო შუბლაძეს სოციალური ქსელით მიმართავს:
ნინო, 6 მაისს მოგმართეთ წერილობითი განცხადებით და გთხოვეთ, მზია ამაღლობელის ადვოკატისთვის დაგეთმოთ ეთერი თქვენივე გადაცემაში (ღამის კურიერი), რომელშიც, 16 აპრილს, „ქართული ოცნების“ პრემიერ-მინისტრმა გაავრცელა მცდარი ინფორმაცია. მზიას ცილი დასწამა და მისი უდანაშაულობის პრეზუმფცია დაარღვია.
წერილს ხელს ვაწერდით ლიკა ზაკაშვილი, ზვიად ქორიძე, თამარ რუხაძე, ნინია კაკაბაძე, ეთერ თურაძე (მზია ამაღლობელის წარმომადგენელი) და მე.
26 დღე გავიდა და წერილზე რეაგირება არ გქონიათ.
მაუწყებლის ქცევის კოდექსის თანახმად, მაუწყებელი (რუსთავი 2) ვალდებულია:
უზრუნველყოს აუდიტორია სანდო და ზუსტი ინფორმაციით და არ დაუშვას ცრუ ან შეცდომაში შემყვანი ინფორმაციის გავრცელება; ინფორმაციის მნიშვნელობიდან გამომდინარე, მაუწყებელმა უნდა დააზუსტოს მისი წარმომავლობა და სიზუსტე. თუ შეუძლებელია ინფორმაციის სისწორის, უტყუარობისა და წარმომავლობის დაზუსტება, მაუწყებელმა უნდა აღნიშნოს, რომ ინფორმაცია დაუზუსტებელია; მნიშვნელოვანი ფაქტობრივი შეცდომების შესწორება უნდა მოხდეს ღიად და დაუყოვნებლივ, თანაზომადი საშუალებებითა და ფორმით სათანადო საეთერო დროს, მას შემდეგ რაც მაუწყებლისათვის ცნობილი გახდება შეცდომის შესახებ.ამჯერად, საჯაროდ მოგმართავთ – გვითხარით, როდის მისცემთ მზია ამაღლობელის ადვოკატს შესაძლებლობას, რათა უარყოს კობახიძის მიერ გაკეთებული ცილისმწამებლური და უდანაშაულობის პრეზუმფციის დამრღვევი განცხადებები.
What's Your Reaction?
