ოლექსი რეზნიკოვი – ზელენსკის აქვს განსაკუთრებული ქარიზმა, ქიმია, დაარწმუნოს პრემიერ-მინისტრები, პრეზიდენტები, მეფეები და მსოფლიოს სხვა ლიდერები, მოუსმინონ და პატივი სცენ – უკრაინას ძალიან გაუმართლა!

პრეზიდენტი ზელენსკი წარმოუდგენელი, არაპროგნოზირებადი ადამიანია. ის ძალიან მამაცი და ჭკვიანია. მე ჯერ კიდევ გაკვირვებული ვარ, როგორ ახერხებს ის ამ დონის სტრესის წინაშე გადარჩენას. ჩემთვის ეს წარმოუდგენელია და მე ვფიქრობ, რომ უკრაინას, ჩვენ ძალიან გაგვიმართლა, რომ ასეთი ლიდერი გვყავს ამ რთულ დროს, – ამის შესახებ უკრაინის თავდაცვის ყოფილმა მინისტრმა, ოლექსი რეზნიკოვმა „ინტერპრესნიუსთან“ ექსკლუზიურ ინტერვიუში განაცხადა.
რეზნიკოვის თქმით, ზელენსკის აქვს განსაკუთრებული ქარიზმა, ქიმია, დაარწმუნოს პრემიერ-მინისტრები, პრეზიდენტები, მეფეები და მსოფლიოს სხვა ლიდერები, მოუსმინონ მას და პატივი სცენ.
თავდაცვის ყოფილი მინისტრი აცხადებს, რომ მისთვის წარმოუდგენელია, თუ როგორ ახერხებს პრეზიდენტი კვირაში შვიდი დღე, 24 საათის განმავლობაში ამ რეჟიმით იცხოვროს.
„პრეზიდენტი ზელენსკი წარმოუდგენელი, არაპროგნოზირებადი ადამიანია. ის ძალიან მამაცი და ჭკვიანია. მე ეს ბევრჯერ მინახავს. მან შეინარჩუნა ენერგია და ძალიან ღრმად იკვლევს ნებისმიერი ტიპის ინფორმაციას. ის ყველაფერს განიხილავდა ფინანსთა მინისტრთან, ენერგეტიკის მინისტრთან, ტრანსპორტის მინისტრთან ან თავდაცვის მინისტრთან.
მას აქვს განსაკუთრებული ქარიზმა, ქიმია, დაარწმუნოს პრემიერ-მინისტრები, პრეზიდენტები, მეფეები და მსოფლიოს სხვა ლიდერები, მოუსმინონ მას და პატივი სცენ. რადგან თუ ისინი მოუსმენენ მას, თუ პატივს სცემენ მას, ისინი დაუჯერებენ მას და დაუჯერებენ უკრაინას და მე ჯერ კიდევ გაკვირვებული ვარ, როგორ ახერხებს ის ამ დონის სტრესის წინაშე გადარჩენას – კვირაში შვიდი დღე, 24 საათის განმავლობაში – მას აქვს სატელეფონო საუბრები, კომუნიკაციები, პარლამენტებში გამოსვლები, მოგზაურობები, ფრონტის ხაზზე სტუმრობა, ვეტერანების მონახულება, სხვა ქვეყნებში ჩასვლა. ჩემთვის ეს წარმოუდგენელია და მე ვფიქრობ, უკრაინას – ჩვენ ძალიან გაგვიმართლა, რომ ასეთი ლიდერი გვყავს ამ რთულ დროს,“ – განაცხადა მან.