“რადიკალური ოპოზიციის ის ნაწილი, რომელიც არჩევნებში იღებს მონაწილეობას, ეს არ ნიშნავს იმას, რომ ისინი “ნაციონალურ მოძრაობას” არ წარმოადგენენ” – დიმიტრი ხუნდაძე

სააგენტო "პარალელი"
“რადიკალური ოპოზიციის ის ნაწილი, რომელიც არჩევნებში იღებს მონაწილეობას, ეს არ ნიშნავს იმას, რომ ისინი “ნაციონალურ მოძრაობას” არ წარმოადგენენ” – დიმიტრი ხუნდაძე

“რადიკალური ოპოზიციის ის ნაწილი, რომელიც არჩევნებში იღებს მონაწილეობას, ეს არ ნიშნავს იმას, რომ ისინი “ნაციონალურ მოძრაობას” არ წარმოადგენენ. მათი სტრატეგიაა, რომ გაიყონ შუაზე – ნახევარმა მიიღოს არჩევნებში მონაწილეობა და შიგნიდან მოახდინოს შემდეგ უკვე, თუნდაც, თითო წარმომადგენლობით საკრებულოებში არეულობა“, – ასე განმარტავს “ხალხის ძალის” ლიდერი დიმიტრი ხუნდაძე “ლელო – ძლიერი საქართველოსა” და “გახარია საქართველოსთვის” პარტიების გადაწყვეტილებას არჩევნებში მონაწილეობის მიღებასთან დაკავშირებით.

იგი ასევე ეხმაურება თბილისის მერობის ოპოზიციონერ კადიდატებთან დაკავშირებით  გავრცელებულ ინფორმაციებს ალექსანდრე ელისაშვილსა და აგრეთვე მომღერალ მერაბ სეფაშვილთან მიმართებაში:

“ელისაშვილმა თავისი თავი თავად აქცია კომიკურ ფიგურად. რაც შეეხება მერაბ სეფაშვილს, მე ვფიქრობ, რომ ესეც მათი უნიათობის ბრალია იმიტომ, რომ არა მგონია მათ ახლა ემღერებოდეთ. მაგრამ, თუ მაინცდამაინც, მომღერალი უნდათ და სიმღერით აპირებენ ამას, მე ვფიქრობ, რომ მერაბ სეფაშვილს მოუწევს რეპერტუარის შეცვლა: თუკი აქამდე ის მიხეილ სააკაშვილს უმღეროდა, რომ მისი გმირი იყო და ასე უწოდა, ახლა ვფიქრობ, რომ ჯობია რეპერტუარი შეცვალოს და იმღეროს – “გინდ მეძინოს, მაინც სულში მიზიხარ“, – აცხადებს დიმიტრი ხუნდაძე.

“რადიკალური ოპოზიციის ის ნაწილი, რომელიც არჩევნებში იღებს მონაწილეობას, ეს არ ნიშნავს იმას, რომ ისინი “ნაციონალურ მოძრაობას” არ წარმოადგენენ” – დიმიტრი ხუნდაძე
პარალელი