რატომ გამოტოვა კვარაცხელიამ “დიუნკერკთან” მატჩი – Geo Team-ი განმარტავს
„დიუნკერკთან“ საფრანგეთის თასზე მოგებული ნახევარფინალური მატჩის (4:2) წინ ცნობილი გახდა, რომ პსჟ-ის გარემარბი ხვიჩა კვარაცხელია თამაშს ვერ შეძლებდა. RMC Sport-ის ცნობით, კვარაცხელია დილით ავად გახდა, კლუბმა თავი დაიზღვია და ის პარიზში დაბრუნდა. ხვიჩას შესახებ ინფორმაცია Geo Team-მა გაავრცელა: „Geo Team-ის ინფორმაციით, საფრანგეთის თასის 1/2 ფინალურ მატჩს ხვიჩა კვარაცხელია ინტოქსიკაციის გამო ტოვებს. როგორც ჩვენთვის ცნობილია, ფეხბურთელი […]
„დიუნკერკთან“ საფრანგეთის თასზე მოგებული ნახევარფინალური მატჩის (4:2) წინ ცნობილი გახდა, რომ პსჟ-ის გარემარბი ხვიჩა კვარაცხელია თამაშს ვერ შეძლებდა.
RMC Sport-ის ცნობით, კვარაცხელია დილით ავად გახდა, კლუბმა თავი დაიზღვია და ის პარიზში დაბრუნდა. ხვიჩას შესახებ ინფორმაცია Geo Team-მა გაავრცელა:
„Geo Team-ის ინფორმაციით, საფრანგეთის თასის 1/2 ფინალურ მატჩს ხვიჩა კვარაცხელია ინტოქსიკაციის გამო ტოვებს. როგორც ჩვენთვის ცნობილია, ფეხბურთელი ამ მომენტისთვის თავს უკეთ გრძნობს და 5 აპრილს, „ანჟეს“ წინააღმდეგაც მისი თამაში კითხვის ნიშნის ქვეშ არ დგას“.
ჩემპიონის ტიტულის ოფიციალურად გასაფორმებლად „პარი სენ ჟერმენს“ „ანჟესთან“
საშინაო შეხვედრაში ფრეც ჰყოფნის, შემდეგ კი ჩემპიონთა ლიგის მეოთხედფინალში „ასტონ ვილასთან“ ორრაუნდიანი დაპირისპირება ელის – 9 აპრილს სახლში და 15 აპრილს გასვლაზე. იმედია, „კვარა“ მწყობრში მალე ჩადგება, მომავალ უმნიშვნელოვანეს მატჩებში მონაწილეობას მიიღებს და კარგი თამაშით გულშემატკივრებს გაახარებს.
What's Your Reaction?
