საოკუპაციო რეჟიმმა სამი მოქალაქე უკანონოდ დააკავა, ორი კვლავ პატიმრობაში რჩება – სუს-ი
სახელმწიფო უსაფრთხოების სამსახურის (სუს-ის) განცხადებით, საოკუპაციო რეჟიმმა გორის სოფელ ფლავისმანთან სამი მოქალაქე უკანონოდ დააკავა, ერთი გაათავისუფლეს, ორი კი უკანონო პატიმრობაში რჩება. „რუსეთის საოკუპაციო ძალების წარმომადგენლებმა გორის მუნიციპალიტეტის სოფელ ფლავისმანის მიმდებარედ უკანონოდ დააკავეს საქართველოს სამი მოქალაქე“, – წერს სუს-ი. „ერთი მათგანი 11 მარტს უკვე გათავისუფლდა და ცენტრალური ხელისუფლების მიერ კონტროლირებად ტერიტორიაზე იმყოფება, ხოლო ორი კვლავ უკანონო […]
სახელმწიფო უსაფრთხოების სამსახურის (სუს-ის) განცხადებით, საოკუპაციო რეჟიმმა გორის სოფელ ფლავისმანთან სამი მოქალაქე უკანონოდ დააკავა, ერთი გაათავისუფლეს, ორი კი უკანონო პატიმრობაში რჩება.
„რუსეთის საოკუპაციო ძალების წარმომადგენლებმა გორის მუნიციპალიტეტის სოფელ ფლავისმანის მიმდებარედ უკანონოდ დააკავეს საქართველოს სამი მოქალაქე“, – წერს სუს-ი.
„ერთი მათგანი 11 მარტს უკვე გათავისუფლდა და ცენტრალური ხელისუფლების მიერ კონტროლირებად ტერიტორიაზე იმყოფება, ხოლო ორი კვლავ უკანონო პატიმრობაში რჩება“, – წერს უწყება 11 მარტს 19:40 საათზე გავრცელებულ განცხადებაში.
სუს-ის თანახმად, მათ გაააქტიურეს ევროკავშირის სადამკვირვებლო მისიის ჩართულობით მოქმედი ცხელი ხაზი და ასევე აცნობეს ჟენევის საერთაშორისო დისკუსიების თანათავმჯდომარეებსა და საერთაშორისო პარტნიორებს.
„ამოქმედებულია ყველა არსებული მექანიზმი უკანონოდ დაკავებული საქართველოს მოქალაქეების უმოკლეს ვადებში გასათავისუფლებლად. საქართველოს ოკუპირებულ ტერიტორიებზე, ისევე როგორც საოკუპაციო ხაზის გასწვრივ ჩადენილ ყველა დესტრუქციულ ქმედებაზე პასუხისმგებლობა ეკისრება საოკუპაციო ძალას“, – წერს სუს-ი.
ფორუმი
What's Your Reaction?
