„უამრავ ადამიანს დატოვებენ უმუშევარს, რომელთაც თავისა და ოჯახების გადასარჩენად ერთი გზაღა დარჩებათ“ – გიორგი გუგავა

ლევან ჯავახიშვილი

„ალიას“ ესაუბრება „ლეიბორისტული პარტიის“ გენერალური მდივანი, გიორგი გუგავა.

–ბატონო გიორგი, საყოველთაო აღწერა ჩატარდა ქვეყანაში და მისი შედეგები არ გამოქვეყნებულა. ვრცელდება ინფორმაცია, რომ  ეს შედეგები იმიტომ არ ქვეყნდება, რომ სურათი კატასტროფულია–ეროვნებით ქართველი მილიონნახევარიც აღარ არის ქვეყანაში და ხალხის რეაქციისა ეშენია „ხელისუფლებას“, რომელმაც უცხოტომელებს ფართოდ გაუღო კარი და უვიზო მიმოსვლა დააწესა ისეთი ქვყნების მოქალაქეებისთვის, რომელთაც სხვა ქვეყნები ვიზასაც არ აძლევენ.

-კი, საყოველთაო აღწერის შედეგები არის სრული კატასტროფა. ქართველები საქართველოში დარჩენილნი ვართ 1 მილიონ 340 000, ეს არის ამ აღწერის შედეგად დადებული ციფრი, რომელმაც გამოჟონა.  აქამდე ხომ გვეუბნებოდნენ, რომ 3 მილიონ 700 000  საქართველოს  მოქალაქე იყო ქვეყანაში. ახლა გამოდის, რომ უკვე უმცირესობაში ვართ ქართველები ჩვენსავე ქვეყანაში, ჩვენზე მეტნი უცხოელები არიან. ახლა მე გეტყვით საინტერესო ციფრებს. 5 წელია უკვე, შობადობას გადაასწრო სიკვდილიანობამ. 1994 წელს, 1 მილიონ 200 000 რეპროდუქციული ასაკის ქალი იყო, ითვლიან 15-დან 49 წლამდე. ახლა ეს ციფი არის  800 000, 400 ათასით შემცირდა.   ეს ნიშნავს, რომ ეს კლება კიდევ გაგრძელდება და მოიმატებს უცხოელთა რაოდენობა, რომლებიც აქ ცხოვრობენ და  4-5 და მეტ შვილს აჩენენ. ამ ხელისუფლების პირობებში, 500 000 ადამიანია წასული ქვეყნიდან უცხოეთში. 75 000 უცხოელს მისცეს ბინადრობის უფლება და უმეტესობა სწორედ იმ ქვეყნების წარმომადგენელია, სადაც მრავალშვილიანობა ტრადიციაა. იყიდიან აქ ქონებას და მერე იღებენ ცხოვრების ნებართვასაც. შემდეგ ეტაპობრივად გადიან პროცედურებს და ბევრი  იღებს  საქართველოს მოქალაქეობას. ახლა  დამატებით კიდევ 17 სახელმწიფოს დაუწესეს უვიზო რეჟიმი და

მალე მიგრანტთა უზარმაზარი ტალღა წამოვა საქართველოში. ამ ჩამონათვალშია სომალი, მეკობრეების ქვეყანა, ავღანეთი, რომელსაც ოფიციალურად ტერორისტული ორგანიზაცია „ალ-ქაიდა“ მართავს. მსოფლიოში ნარკოტიკების 80% ავღანური წარმოშობისაა, ისედაც  უმძიმესი მდგომარეობა გვაქვს ნარკოტიკების მომხმარებელთა რაოდენობის მხრივ და ეს კიდევ დაამძიმებს მას.

იემენს დაუწესეს უვიზო მიმოსვლა, რომელიც ტერორისტულ სახელმწიფოდ აღიარებული ჰყავთ არა მარტო ამერიკას, ევროპას და ე.წ.კოლექტიური დასავლეთის ქვეყნებს, არამედ არაბეთისა და სხვა მუსულმანურ ქვეყნებსაც კი, დიპლომატიური ურთიერთობაც არ აქვთ იემენთან და  ესენი საქართველოში ეპატიჟებიან იემენელებს. ამ ჩამონათვალშია სირია, ბანგლადეში, განა, უგანდა, კოტ დიუვარი, კონგო, ტანზანია, სუდანი, ბანგლადეში. ყველა ამ ქვეყანაში სიღატაკეა, გაეროს  სტანდარტებით,  ქვეყანა, სადაც მოსახლეობას  ერთ სულ მოსახლეზე   3 დოლარს ქვემოთ აქვს შემოსავალი, ღატაკ ქვეყნად ითვლება.  ამ კრიტერიუმით, ღატაკ ქვეყნებად ითვლებიან ის ქვეყნები, რომელთაც ახლა უვიზო რეჟიმი დაუწესეს. საქართველოში მაღალი ხელფასები არ არის კერძო სექტორში, მაგრამ

ადამიანს  დღეში 3 დოლარიც რომ არ აქვს, სადღაც 8 ლარი, ის საქართველოში ჩამოვა და დღეში 25- 30 ლარად სიამოვნებით იმუშავებს, სულ თუ არაფერი, შიმშილით არ გასძვრება სული და შიშველი თუ ნახევრად შიშველი  არ ივლის. ეს ხალხი, ეს იაფი მუშახელი ჩაანაცვლებს ადგილობრივ მოსახლეობას,

რომელსაც შედარებით მეტს უხდის ბიზნესი და  უამრავ ადამიანს დატოვებენ უმუშევარს, რომელთაც თავისა და ოჯახების გადასარჩენად  უცხოეთში წასვლის გარდა,  სხვა გზა აღარ დარჩებათ. შაჰ-აბასმა 400 000  კაცი გაასახლა საქართველოდან. დაიპყრო ქვეყანა ომით, გადაწვა და გაანადგურა საქართველო და ძალით წაასხვა ეს ხალხი ქვეყნიდან. ბიძინა ივანიშვილმა 500 000 კაცი გააქცია 12 წელიწადში ქვეყნიდან. სამართლიანობისთვის აუცილებლად ვიტყვი, რომ შევარდნაძისა და სააკაშვილის ხელისუფლებების პირობებშიც ბევრმა ქართველმა დატოვა ქვეყანა, შევარდნაძის დროს აფხაზეთის ომი და სამაჩაბლოს კონფლიქტი იყო და ამის გამო ბევრი წავიდა საქართველოდან. ეროვნული კატასტროფის წინაშე ვდგავართ.თუ ეთნიკურად ქართველი არ იქნება უმეტესობა ქვეყანაში, იქ უკვე იდენტობა იკარგება, ენა იკარგება, ტრადიციები, ადათ-წესები იკარგება. ეს კი  უკვე აღარ იქნება ქართული სახელმწიფო, მიუხედავად იმისა, სახელი რა ერქმევა მას.

The post „უამრავ ადამიანს დატოვებენ უმუშევარს, რომელთაც თავისა და ოჯახების გადასარჩენად ერთი გზაღა დარჩებათ“ – გიორგი გუგავა appeared first on .