უკრაინის 2014 წლამდე საზღვრებთან დაბრუნება არარეალისტურია — აშშ-ის თავდაცვის მდივანი

აშშ-ის თავდაცვის მდივანი პიტ ჰეგსეთი აცხადებს, რომ უკრაინის საზღვრების დაბრუნება 2014 წლამდე მდგომარეობასთან დაბრუნება არეალისტური მიზანია.
ამის შესახებ ჰეგსეთმა ბრიუსელში, რამშტაინის ფორმატის შეხვედრაზე განაცხადა. უკრაინის თავდაცვის საკონტაქტო ჯგუფის (რამშტაინის ფორმატი) პირველად, აშშ-ის ნაცვლად გარერთიანებული სამეფო მასპინძლობს.
ჰეგსეთმა აღნიშნა, რომ აშშ-ის პრეზიდენტ დონალდ ტრამპს უკრაინაში ომის დიპლომატიური საშუალებებით დასრულება სურს.
“ჩვენ, ისევე როგორც თქვენ, გვინდა სუვერენული და აყვავებული უკრაინას. მაგრამ ჩვენ უნდა დავიწყოთ იმის აღიარებით, რომ უკრაინის 2014 წლამდე საზღვრებთან დაბრუნება არარეალისტური ამოცანაა. ამ ოლუზორული მიზნისკენ სრაფვა მხოლოდ გაახანგრძლივებს ომს და გამოიწვევს მეტ ტანჯვას. გრძელვადიანი მშვიდობა უკრაინაში უნდა ეფუძნებოდეს უსაფრთხოების ძლიერ გარანტიებს, რომლებიც უზრუნველყოფენ ომის თავიდან არ დაწყებას. ეს არ უნდა იყოს „მინსკი 3“ შეთანხმება“, — თქვა ჰეგსეთმა.
მისი თქმით, შეერთებულ შტატებს არ სჯერა, რომ უკრაინის ნატოში გაწევრიანება კონფლიქტის მოლაპარაკების გზით შეთანხმების რეალისტური შედეგია.
„ამის ნაცვლად, უსაფრთხოების ნებისმიერი გარანტია გამყარებული უნდა იყოს ქმედუნარიანი ევროპული და არაევროპული ჯარების მიერ. თუ ეს ჯარები რაღაც მომენტში განლაგდებიან უკრაინაში, როგორც სამშვიდობოები, ისინი უნდა განლაგდნენ როგორც არა-ნატოს მისია და არ მოექცნენ მე-5 მუხლის ქვეშ. ასევე უნდა არსებობდეს ძლიერი საერთაშორისო ზედამხედველობა კონტაქტის ხაზზე. ნებისმიერი უსაფრთხოების გარანტიის ნაწილად, აშშ-ის კარები არ იქნება განლაგებული უკრაინაში“, — განაცხადა ჰეგსეთმა.