“ქართული ოცნების” წარმომადგნელები ბათუმში მომხდარ ტრაგედიას ეხმიანებიან

15 თებერვალს, ბათუმში ოცნების ქალაქის ტერიტორიაზე ორი მცირეწლოვანი ბავშვი წყლით სავსე თხრილში ჩავარდა და დაიღუპა. წინასწარი ინფორმაციით იქ სამშენებლო სამუშაოები მიმდინარეობდა. ბავშვები რამდენიმე საათიანი ძებნის შემდეგ იპოვეს და კლინიკაში გადაიყვანეს, თუმცა მათი გადარჩენა ექიმებმა ვეღარ შეძლეს.

გავრცელებული ცნობით, დაღუპულები 4 და 5 წლის ბავშვები არიან.

ტრაგედიის ადგილზე მისულ აჭარის ოცნების ეკონომიკის მინისტრი ჯაბა ფუტკარაძემ კითხვაზე თუ რატომ არ იყო ტერიტორიაზე დაცული უსაფრთხოების ზომები, ჟურნალისტებს ბრალი დასდო, რომ ისინი “სპეკულაციებს ცდილობდნენ” და ყველას “მშვიდობის შენარჩუნება” ურჩია.

“ეს არ არის სამშენებლო ტერიტორია, სპეკულაციებს ცდილობთ.

მოსამზადებელი სამუშაოები მიმდინარეობს, უშუალოდ სამშენებლო სამუშაოები განხორციელდება იქნება შესაბამის ზომები. […] დასრულდა ტენდერი და ვიწყებთ სამშენებლო სამუშაოებს. ტრაგედია მოხდა და მნიშვნელოვანია, ყველამ მშვიდობა შევინარჩუნოთ, […] დამშვიდდით, მოსახლეობა ისედაც აღელვებულია,” — თქვა აჭარის აჭარის ოცნების ეკონომიკის მინისტრი ჯაბა ფუტკარაძემ.

მოგვიანებით, შემთხვევას, სამშენებლო კომპანია ანაგიც გამოეხმაურა. ისინიც უარყოფენ, რომ უბედური შემთხვევის ადგილას მათ არანაირი მშენებლობა არ უწარმოებიათ და გარდაცვლილის ოჯახებს უსამძიმრებენ.

“ღრმა მწუხარებას გამოვხატავთ ბათუმში მომხდარი ტრაგედიის გამო და სამძიმარს ვუცხადებთ გარდაცვლილთა ოჯახებსა და ახლობლებს.

იმის გათვალისწინებით, რომ გავრცელდა ინფორმაცია, თითქოს აღნიშნული უბედური შემთხვევა მოხდა სამშენებლო მოედანზე, გვსურს გავაკეთოთ განმარტება, რომ შემთხვევის ადგილი მდებარეობს სამშენებლო მოედნის ფარგლებს გარეთ და კომპანიას აღნიშნულ ტერიტორიაზე არანაირი სამუშაო არ უწარმოებია, ” — წერს სამშენებლო კომპანია ანაგი.

მომხდარს მოგვიანებით, ოცნების სხვა ლიდერებიც გამოეხმაურნენ.

“უდიდეს მწუხარებას გამოვთქვამ ბათუმში დატრიალებული ტრაგედიის გამო, რომელსაც ორი ბავშვის სიცოცხლე ემსხვერპლა. ძნელია, იპოვო სიტყვები ოჯახების სანუგეშოდ, რომელთაც უბედური შემთხვევის შედეგად მცირეწლოვანი შვილები დაკარგეს. საქართველოს მთავრობისა და პირადად ჩემი სახელით, გულწრფელად ვუსამძიმრებ და თანავუგრძნობ დაღუპული ბავშვების ოჯახებს, ახლობლებს, ყველას, ვინც ამ უსაზღვრო ტკივილს განიცდის”, — ნათქვამია ქართული ოცნების მთავრობის პრემიერმინისტრ, ირაკლი კობახიძის განცხადებაში.

ვრცლად

The post “ქართული ოცნების” წარმომადგნელები ბათუმში მომხდარ ტრაგედიას ეხმიანებიან appeared first on .