შეერთებულმა შტატებმა დიდ ბრიტანეთში ტაქტიკური ბირთვული იარაღი გადაიტანა
შეერთებულმა შტატებმა დიდ ბრიტანეთში ტაქტიკური ბირთვული იარაღი გადაიტანა ჩართული ტრანსპონდერებით აღჭურვილი თვითმფრინავით. ამ გზით შეერთებულმა შტატებმა რუსეთს სიგნალი გაუგზავნა. ინფორმაცია ბირთვული იარაღის დაბრუნების შესახებ თავდაპირველად გასულ კვირას გავრცელდა. დეტალებზე კი Bloomberg წერს. „არსებობს მყარი საფუძველი იმის დასაჯერებლად, რომ შეერთებულმა შტატებმა დიდ ბრიტანეთში ბირთვული იარაღი დააბრუნა“, – ნათქვამია სტატიაში. ასევე აღნიშნულია, რომ იარაღის გადასატანად სპეციალურად იქნა […]
შეერთებულმა შტატებმა დიდ ბრიტანეთში ტაქტიკური ბირთვული იარაღი გადაიტანა ჩართული ტრანსპონდერებით აღჭურვილი თვითმფრინავით. ამ გზით შეერთებულმა შტატებმა რუსეთს სიგნალი გაუგზავნა. ინფორმაცია ბირთვული იარაღის დაბრუნების შესახებ თავდაპირველად გასულ კვირას გავრცელდა. დეტალებზე კი Bloomberg წერს.
„არსებობს მყარი საფუძველი იმის დასაჯერებლად, რომ შეერთებულმა შტატებმა დიდ ბრიტანეთში ბირთვული იარაღი დააბრუნა“, – ნათქვამია სტატიაში. ასევე აღნიშნულია, რომ იარაღის გადასატანად სპეციალურად იქნა გამოყენებული ჩართული ტრანსპონდერებით აღჭურვილი თვითმფრინავი – მათი დახმარებით შესაძლებელია თვითმფრინავის მოძრაობის თვალყურის დევნება. გამოცემამ ამ ნაბიჯის მიზეზიც ისაუბრა. Bloomberg წერს, რომ ამ გზით შეერთებულ შტატები რუსეთს აფრთხილებს, რომ ევროპაში ამერიკის ბირთვული შესაძლებლობები არ მცირდება.
გამოცემა აკონკრეტებს, რომ ლეიკენჰიტის ბაზა, სადაც იარაღი შეიტანეს, ადრე ამერიკული ბირთვული იარაღის განლაგებასთან იყო დაკავშირებული, საიდანაც ის 2008 წელს გაიტანეს, თუმცა 2022 წლიდან ახალი ობიექტების აქტიური მშენებლობა და იარაღის პოტენციური დაბრუნებისთვის ინფრასტრუქტურის მომზადება შეინიშნებოდა. აშშ-ის ოფიციალური წარმომადგენლები ტრადიციულად არც ადასტურებენ და არც უარყოფენ ამ ინფორმაციას, თუმცა ანალიტიკოსები დასავლეთსა და რუსეთს შორის ურთიერთობების გაუარესების კონტექსტში ბრიტანულ ობიექტზე აქტივობის ზრდაზე მიუთითებენ.What's Your Reaction?
