ვინ შეცვლის კევინ დე ბრუინს "სიტიში" - მთავარი ფავორიტი ფლორიან ვირცია

ბრიტანულ მედიაში გავრცელებული ინფორმაციით, ზაფხულის სატრანსფერო ფანჯარაში კევინ დე ბრუინი შესაძლოა "მანჩესტერ სიტის" დაემშვიდობოს. კლუბის ერთ-ერთ სიმბოლოდ ქცეული ბელგიელი ნახევარმცველი ბოლო წლებში ტრავმების გამო ხშირად ვერ ახერხებდა სტაბილურ თამაშს, რაც, როგორც ჩანს, "სიტის" მენეჯმენტს განაპირობებს ალტერნატიული გზების ძიებას.

Football Insider-ის ცნობით, "სიტის" მთავარი სამიზნე ამ ეტაპზე გერმანელი ტალანტი, ფლორიან ვირცია. 20 წლის შემტევმა მიმდინარე სეზონში შესანიშნავი შედეგები აჩვენა – "ბაიერ ლევერკუზენის" მაისურით ჩატარებულ 40 შეხვედრაში 15 გოლი და 13 საგოლე გადაცემა დააგროვა. ვირცის თამაშით არაერთი გრანდია დაინტერესებული, მათ შორის მადრიდის "რეალიც", რაც მის ირგვლივ სატრანსფერო ინტერესს კიდევ უფრო ამძაფრებს.

გერმანელ ფეხბურთელს "ლევერკუზენთან" მოქმედი კონტრაქტი 2027 წლის ზაფხულამდე აკავშირებს. ავტორიტეტული პორტალის, Transfermarkt-ის შეფასებით, მისი ღირებულება 140 მილიონ ევროს შეადგენს. მიუხედავად მაღალი ფასი და კონკურენციისა, "სიტი" მზადაა ბრძოლაში აქტიურად ჩაერთოს.

ფლორიან ვირცი ევროპული ფეხბურთის ერთ-ერთ ყველაზე დიდ პერსპექტივად ითვლება. ის ბუნდესლიგის ისტორიაში ერთ-ერთი ყველაზე ახალგაზრდა დებიუტანტი გახდა და წლების განმავლობაში მხოლოდ პროგრესს განიცდის. მიმდინარე სეზონში მისი სახელი არა მხოლოდ შეტევითი სტატისტიკით, არამედ მოედნის ხედვით, ტექნიკითა და თამაშის წაკითხვის უნარითაც ხშირად ხმოვანდება.

კევინ დე ბრუინის შესაძლო წასვლა "სიტისთვის" ნამდვილად ახალი ეპოქის დასაწყისი იქნება. თუ გერმანელი ტალანტი "ეტიჰადზე" გადაბარგდება, მას მოუწევს ერთ-ერთი საუკეთესო თანამედროვე ნახევარმცველის მემკვიდრეობის გაგრძელება – ამოცანა, რომელიც არც მარტივია და არც ურისკო, თუმცა სწორად განვითარებული გარემოებების შემთხვევაში, "სიტის" მომავალი ამ პოზიციაზე დაცული შეიძლება აღმოჩნდეს.