16 წლის ქართველზე გრანდები ნადირობენ - "პსჟ" საბა ხარებაშვილით დაინტერესდა

16 წლის ქართველზე გრანდები ნადირობენ - "პსჟ" საბა ხარებაშვილით დაინტერესდა

მარ. 11, 2025 - 03:56
 0
16 წლის ქართველზე გრანდები ნადირობენ - "პსჟ" საბა ხარებაშვილით დაინტერესდა
"დინამო თბილისის" ფეხბურთელმა, საბა ხარებაშვილმა, ევროპის წამყვანი კლუბების ყურადღება მიიპყრო. რამდენიმე დღის წინ გავრცელდა ინფორმაცია, რომ 16 წლის მცველით ისეთი გუნდები, როგორებიცაა "რეალი", "ბარსა", "ბაიერნი" და სხვა გრანდები დაინტერესდნენ, ხოლო უახლესი ცნობებით, მისი დამატების მსურველი კლუბების სიას "პარი სენ-ჟერმენიც" დაემატა.

PSGINSIDE ACTUS-ის მიერ გავრცელებულ ინფორმაციაზე დაყრდნობით, ხარებაშვილი პარიზული გრანდის ყურადღების ქვეშაც მოექცა, და არსებობს შანსი ახალგაზრდა ქართველი კვარაცხელიას გვერდით ვიხილოთ.

ფრანგული გრანდი ჯერჯერობით აქტიურ ნაბიჯებს არ დგამს, თუმცა, როგორც ჩანს, თავისი დაინტერესება უკვე გამოხატა.

ხარებაშვილი "დინამო თბილისის" აკადემიის აღზრდილია, რომელიც მარცხენა მცველის პოზიციაზე ასპარეზობს.

2024 წელს ის ძირითად გუნდში დააწინაურეს, ხოლო სატრანსფერო პორტალი Transfermarkt მის ღირებულებას, 800 000 ევროდ აფასებს.

რაც შეეხება სანაკრებო გამოცდილებას, საბას საქართველოს U19, U17, U16 და U15 ასაკობრივი ნაკრებების მაისური აქვს მორგებული.

What's Your Reaction?

like

dislike

love

funny

angry

sad

wow