აქაც მოწინავეთა შორისაა - გიორგი ჩაკვეტაძე ინგლისში გამოარჩიეს

გიორგი ჩაკვეტაძეს კიდევ ერთი დამაჯერებელი სტატისტიკა აქვს

მარ. 28, 2025 - 13:26
 0
აქაც მოწინავეთა შორისაა - გიორგი ჩაკვეტაძე ინგლისში გამოარჩიეს
გიორგი ჩაკვეტაძე ჩემპიონშიპში რომ გამორჩეულ სეზონს ატარებს, ეს უკვე ვიცით. ახლახანს ამის დასადასტურებელი მორიგი სტატისტიკური მონაცემი გავრცელდა.

როგორც The Championship Chat Podcast-ში თქვეს, ინგლისის რანგით მე-2 დივიზიონში მეტოქის კართან გაკეთებული საკვანძო პასების რაოდენობით გიორგი ჩაკვეტაძე ტურნირის ერთ-ერთი მოწინავე მოთამაშეა.

ქართველ ნახევარმცველს სულ სამი ფეხბურთელი უსწრებს. გიორგი მე-4 პოზიციაზე 509 გაკეთებული საკვანძო გადაცემით იმყოფება, რაც კიდევ ერთხელ ადასტურებს თუ როგორი მაღალი დონის სეზონს ატარებს ჩაკვეტაძე, თანაც სტაბილურად.

ჩემპიონშიპის მიმდინარე სეზონის 37 შეხვედრაში ჩაკვეტაძემ 2 გოლი გაიტანა და 6 საგოლე გადაცემა შეასრულა. გავრცელებული ინფორმაციის თანახმად, თუ უოტფორდი პრემიერ ლიგაში ვერ გადავა, მაშინ ქართველი გუნდს დატოვებს და გაცილებით ძლიერ ინგლისურ კლუბში გადაბარგდება.

What's Your Reaction?

like

dislike

love

funny

angry

sad

wow