ვაჟ ხელბურთელებს ღირსების ორდენი გადაეცათ - პრეზიდენტის კომენტარი
რა თქვა დაჯილდოების ცერემონიაზე მიხეილ ყაველაშვილმა
საქართველოს ნაკრების ვაჟ ხელბურთელებს ღირსების ორდენი გადაეცათ. გთავაზობთ ქვეყნის პრეზიდენტის კომენტარს დაჯილდოებიდან:
- განაცხადა მიხეილ ყაველაშვილმა.
მსურს, მადლობა გადაგიხადოთ თითოეულ თქვენგანს იმ ისტორიული შედეგისთვის, რომელიც 2024 წლის ევროპის ჩემპიონატის საკვალიფიკაციო ეტაპზე აჩვენეთ. ეს თქვენი შრომის, მიზანდასახულობისა და საკუთარი თავის რწმენის შედეგია.
მიმაჩნია, რომ სპორტში ყველაზე კარგად ჩანს ქართველი ადამიანის მტკიცე და შეუპოვარი ხასიათი, ის თვისებები, რომლებიც ყველაზე მეტად აძლიერებს ჩვენს ერს. ჩვენ უკვე არაერთხელ ვნახეთ და დავრწმუნდით, თუ როგორ შეუძლია თითოეულ გამარჯვებას ჩვენი საზოგადოების გაერთიანება, სიამაყითა და სიყვარულით ავსება.
მჯერა, თქვენი თავდაუზოგავი შრომით, სახელმწიფოსა და ქართველი ხალხის თანადგომით წინ კიდევ არაერთი გამარჯვება გელოდებათ. დარწმუნებული ვარ, კიდევ ბევრჯერ გაახარებთ ქართველ გულშემატკივარს.
მინდა, წარმატება გისურვოთ მომავალ ასპარეზობაში, რომელიც 13 მარტს გაიმართება. გახსოვდეთ, რომ მოედანზე გასვლისას თქვენ უკან დგას ქართველი გულშემატკივარი, რომლის სიყვარული და მხარდაჭერა აუცილებლად დაგეხმარებათ გამარჯვების მოპოვებაში.
- განაცხადა მიხეილ ყაველაშვილმა.
What's Your Reaction?
