“თუ მართლა გგონიათ, რომ ამ კომისიის “დასკვნით” ვინმეს დაჭერა კანონიერია უნდა იცოდეთ – ან ბრიყვები ხართ, ან გაყიდული მედროვეები, ან, რაც ყველაზე ხშირად ხდება, ორივე ერთად” – პაატა მანჯგალაძე “ქართულ ოცნებას”

სააგენტო "პარალელი"
“თუ მართლა გგონიათ, რომ ამ კომისიის “დასკვნით” ვინმეს დაჭერა კანონიერია უნდა იცოდეთ – ან ბრიყვები ხართ, ან გაყიდული მედროვეები, ან, რაც ყველაზე ხშირად ხდება, ორივე ერთად” – პაატა მანჯგალაძე “ქართულ ოცნებას”

“სტრატეგია აღმაშენებლის” ერთ-ერთი ლიდერი, პაატა მანჯგალაძე პარტიის ლიდერის დაჭერას ეხმაურება და პოლიტიკურ შეფასებებს აკეთებს საგამოძიებო კომისიასთან დაკავშირებით:

“გუშინ უკანონოდ დააკავეს კიდევ ერთი პოლიტიკური ლიდერი გიორგი ვაშაძე. ქოცები ამ დროს დაზომბებულებივით იმეორებენ: „კანონის წინაშე ყველა თანასწორია და არავის აქვს ინდულგენცია”.

სწორია, მაგრამ დავაზუსტოთ, როგორც უსინდისოდ ტყუით, თითქოს ამ კომისიაში წარმოდგენილი ხართ კონსტიტუციით განსაზღვრული ოპოზიციური ნახევარის სახით – ზუსტად ისეთივე უსინდისოა თქვენი „მართლმსაჯულებაც” და „თანასწორობაც”.

თუ მართლა გგონიათ, რომ ამ კომისიის „დასკვნით” ვინმეს დაჭერა კანონიერია უნდა იცოდეთ – ან ბრიყვები ხართ, ან გაყიდული მედროვეები ან, რაც ყველაზე ხშირად ხდება, ორივე ერთად.

არჩევნებს რომ თავი დავანებოთ, ეს ე.წ. კომისია დაფუძნებულია კონსტიტუციის უხეშ დარღვევაზე; არ აქვს არანაირი ლეგიტიმაცია – არ წარმოადგენს ოპოზიციას და შესაბამისად წულუკიანის ჩათვლით არის სრულად ყალბი და არარა.

შესაბამისად, ეს არის რეჟიმის უკანონო დევნა, პოლიტიკური ანგარიშსწორება და თქვენ ხართ რეპრესიის ინსტრუმენტები, რაზეც აუცილებლად მოგიწევთ პასუხისგება!“ – აცხადებს პაატა მანჯგალაძე.

ინფორმაციას “სტრატეგია აღმაშენებლის” მედიასთან და საზოგადოებასთან ურთიერთობის სამსახური ავრცელებს

“თუ მართლა გგონიათ, რომ ამ კომისიის “დასკვნით” ვინმეს დაჭერა კანონიერია უნდა იცოდეთ – ან ბრიყვები ხართ, ან გაყიდული მედროვეები, ან, რაც ყველაზე ხშირად ხდება, ორივე ერთად” – პაატა მანჯგალაძე “ქართულ ოცნებას”
პარალელი