“მე მდგომარეობას ვაფასებ როგორც დედა – ეს არის ლეტალური პროცესის წინაპირობა” – ეკა წერეთელი

სააგენტო "პარალელი"
“მე მდგომარეობას ვაფასებ როგორც დედა – ეს არის ლეტალური პროცესის წინაპირობა” – ეკა წერეთელი

ბიზნესმენ გიორგი ჩიკვაიძის დედამ, ეკა წერეთელმა 4 აპრილს შვილი საპატიმროში მოინახულა, რის შემდეგაც ,,ტვ პირველთან” ინტერვიუში გიორგი ჩიკვაიძის ჯანმრთელობის ძალიან მძიმე მდგომარეობაზე გაამახვილა ყურადღება:

,,დღეს არის შიმშილობის 24 დღე და მე, რაც იქ ვნახე, ეს არ არის მხოლოდ შიმშილობის შედეგი… ჩვენ არ ვიცით რა მოხდა იქ 13 მარტს. ახალგაზრდა ჯანმრთელი ადამიანი, რომელიც შევიდა ციხეში, დღეს ქვედა კიდურებს ვერ გრძნობს, ვერ დგება და ვერ გადაადგილდება დამოუკიდებლად.

მე ამას ვაფასებ როგორც დედა – ეს არის ლეტალური პროცესის წინაპირობა.

ახლა მივმართავ ორ ადამიანს საქართველოში – ეს არის გენ. პროკურორი გაბიტაშვილი და მოსამართლე, იზა კელენჯერიძე: თქვენ ხართ მკვლელები, თქვენ არ გაგივათ “სანდრო გირგვლიანი 2”.

იზა კელენჯერიძეს მივმართავ – თავის პატარა შვილთან ერთად მოვიდეს და შევიდეთ ციხეში, ვნახოთ ჩემი შვილი. შენი უკანონო გადაწყვეტილებების გამო, ჩემი შვილი ახლა შიმშილობს და ვერ გადაადგილდება. თქვენ ხართ მკვლელები!

მე ახლა მივმართავ არასამთავრობო ორგანიზაციებს და იმ პოლიტიკურ პარტიებს, რომელსაც კიდევ რაღაცა გეთქმით, ამოიღეთ ხმა! ერთადერთი ვისი იმედიც მაქვს ეს არის სინდისის პატიმრების მშობლები. თქვენ ხართ ყველაზე დიდი მებრძოლი ადამიანები, თქვენ ხართ ყველაზე დიდი პატრიოტები ამ ქვეყნის!

“სანდრო გირგვლიანი 2” თქვენ არ გაგივათ“, – განაცხადა ეკა წერეთელმა.

ავტორი
მარიამ ხაჩირაშვილი

“მე მდგომარეობას ვაფასებ როგორც დედა – ეს არის ლეტალური პროცესის წინაპირობა” – ეკა წერეთელი
მარიამ ხაჩირაშვილი