მზადება ევროპის ჩემპიონატისთვის - ახალგაზრდული რუმინეთს დაუპირისპირდება

მაი. 27, 2025 - 05:27

მზადება ევროპის ჩემპიონატისთვის - ახალგაზრდული რუმინეთს დაუპირისპირდება

საქართველოს ახალგაზრდული ნაკრები, ევროპის ჩემპიონატისთვის მოსამზადებელ შეკრებას ავსტრიაში გაივლის. რამაზ სვანაძის გუნდი, 30 მაისიდან, 8 ივნისის ჩათვლით ქალაქ ვენიგცელში მოემზადება.

ავსტრიული შეკრების ფარგლებში ჩვენი გუნდი, ამხანაგურ მატჩს რუმინეთის წინააღმდეგ გამართავს. 21-წლამდელები, რუმინელებს, 4 ივნისს, თბილისის დროით 20:30-ზე [18:30 - ცენტრალური ევროპის დრო], ფორაუს ურკრაფტ არენაზე დაუპირისპირდებიან.

8 ივნისს, ახალგაზრდული ნაკრები სლოვაკეთში გაემგზავრება და ევროპის ჩემპიონატისთვის მზადებას მასპინძელ ქვეყანაში განაგრძობს. რუმინეთთან მატჩის რეპორტაჟის და სხვა დამატებითი დეტალების შესახებ ინფორმაცია მოგვიანებით გახდება ცნობილი.

საქართველოს და რუმინეთის 21-წლამდე ნაკრებთა ბოლო მატჩი, 2022 წლის 3 ივნისს, გორის თენიგზ ბურჯანაძის სახელობის სტადიონზე შედგა და ის მატჩი, რამაზ სვანაძის პირველი ფორმაციის ახალგაზრდულმა, ცოტნე კაპანაძის დუბლით - 2:0 მოიგო.

ევრო 2025 | მატჩების განრიგი
11 ივნისი | პოლონეთი V საქართველო | ჟილინა
14 ივნისი | საფრანგეთი V საქართველო | ჟილინა
17 ივნისი | საქართველო V პორტუგალია | ტრენჩინი

nakrebi.ge

განაგრძე კითხვა