“მიხეილ სააკაშვილი არ ისჯება დანაშაულისთვის – ის ისჯება წარმატებისთვის, რომელიც საქართველოს მოუტანა” – გიორგი ვაშაძე

სააგენტო "პარალელი"
“მიხეილ სააკაშვილი არ ისჯება დანაშაულისთვის – ის ისჯება წარმატებისთვის, რომელიც საქართველოს მოუტანა” – გიორგი ვაშაძე

“სტრატეგია აღმაშენებლის” ლიდერი, გიორგი ვაშაძე ეხმაურება თბილისის საქალაქო სასამართლოს მიერ საქართველოს მე-3 პრეზიდენტის, მიხეილ სააკაშვილისთვის განაჩენის გამოტანას:

“რამდენი ბრალდებაც არ უნდა შეთითხნოს რეჟიმმა, ერთი რამ ნათელია:

მიხეილ სააკაშვილი არ ისჯება დანაშაულისთვის – ის ისჯება წარმატებისთვის, რომელიც საქართველოს მოუტანა.

შევადაროთ:

საქართველო, რომელიც მან ჩაიბარა – კორუფციით გაჟღენთილი, კრიმინალური კლანების კონტროლის ქვეშ, უიმედო და დასუსტებული.

საქართველო, რომელიც მან დატოვა – რეგიონის ლიდერი, ნომერ პირველი რეფორმატორი, ქვეყანა, რომელიც მსოფლიომ სამაგალითოდ აღიარა.

რას აღარ აბრალებდნენ – და ბოლოს პიჯაკი, თაიგული და ცხვარი “იპოვეს” – მართლა ქვეყნის ნამდვილმა მძარცველებმა!

ივანიშვილის რეჟიმი ებრძვის ყველას, ვინც მის ძალაუფლებას საფრთხეს უქმნის – პოლიტიკოსებს, მოქალაქეებს, ჟურნალისტებს, სტუდენტებს.

ისინი არ სჯიან დანაშაულისთვის – სჯიან სიმართლის თქმისთვის, ქვეყნის სიყვარულისთვის!

ეს უსამართლობა დროებითია.

ჩვენ ვიცით, როგორ მთავრდება ასეთი რეჟიმების ისტორია – და ვიცით, როგორ უნდა დავასრულოთ ეს ბრძოლა წარმატებით!” – განაცხადა გიორგი ვაშაძემ.

ინფორმაციას “სტრატეგია აღმაშენებლის” მედიასთან და საზოგადოებასთან ურთიერთობის სამსახური ავრცელებს

“მიხეილ სააკაშვილი არ ისჯება დანაშაულისთვის – ის ისჯება წარმატებისთვის, რომელიც საქართველოს მოუტანა” – გიორგი ვაშაძე
პარალელი