ნაკრებმა კვიპროსში პირველი ვარჯიში სრული შემადგენლობით, თორნიკე შენგელიასთან ერთად ჩაატარა

საქართველოს ნაკრებმა სპიროს კიპრიანუს დარბაზში პირველი ვარჯიში გამართა. პრაღიდან ლიმასოლამდე 12-საათიანი მგზავრობის შემდეგ საქართველოს ნაკრების წევრებს ძალების აღსადგენად სტანდარტული ღამე არ ჰქონიათ და შესაბამისად, არც ვარჯიში იყო დატვირთული. მოედანზე გასვლამდე ჩვენი ნაკრების წევრებმა დარბაზში მდებარე ფიტნესისთვის გამოყოფილ სივრცეში ივარჯიშეს, რის შემდეგაც კალათბურთის დროც დადგა.
15-დღიანი პაუზის შემდეგ ნაკრებთან პირველად ივარჯიშა თორნიკე შენგელიამ. ნაკრების კაპიტანს გულის არითმიის გამო შეკრების დატოვება 9 აგვისტოს მოუხდა და ლიეტუვადან ესპანეთში გაემგზავრა, სადაც თავისმა ახალმა კლუბმა ბარსელონამ საფუძვლიანი კვლევა ჩაუტარა და ნაკრებში დასაბრუნებლად მწვანე აუნთო.
შენგელიამ გუნდთან ერთად სტანდარტულ კომბინაციებში მიიღო მონაწილეობა, თუმცა მეტი დრო ინდივიდუალურ ვარჯიშს დაუთმო, რომელიც ქართველ ფორვარდს კატალონიურმა კლუბმა შეუდგინა. საათნახევრიანი საკალათბურტო ვარჯიშების შემდეგ პირველი ლიმასოლური ვარჯიში დასრულდა. ხვალიდან კი ოფიციალური ვარჯიშები იწყება, რომელსაც აკრედიტებული მედიაც დაესწრება.
26 აგვისტოს სპიროს კიპრიანუ არენაზე პირველ ვარჯიშს საქართველოს ნაკრები გამართავს, რომელსაც წინ ფოტოსესია უძღვის. მულტიმედიისთვის გამოყოფილი 75 წუთის შემდეგ ნაკრების წევრები ტრენაჟორებზე გახურდებიან, რის შემდეგაც საკალათბურთო მოედანზე გადაინაცვლებენ. ვარჯიში 12:40 საათზე დაიწყება და 14:10-მდე გაგრძელდება. მისი დასკვნითი 5-10 წუთი ჟურნალისტებისთვის ღია იქნება.
GBF.GE
Marca: საქართველოს ნაკრების სერიოზული პრობლემა – შენგელიას ექიმების რჩევის მიუხედავად ნებისმიერ ფასად თამაში სურს
Marca: საქართველოს ნაკრების სერიოზული პრობლემა – შენგელიას ექიმების რჩევის მიუხედავად ნებისმიერ ფასად თამაში სურს