როგორ დატოვა გიორგი ბაჩიაშვილმა საქართველო – ბიზნესმენის პირველი კომენტარი

როგორ დატოვა გიორგი ბაჩიაშვილმა საქართველო – თანაინვესტირების ფონდის ყოფილი ხელმძღვანელი გადაცემა “რეაქციაში“ პირველ კომენტარს აკეთებს და ამბობს, რომ მან “სისტემაში არსებული ხვრელები და მათ შორის ადამიანებიც გამოიყენა“ და მიუხედავად იმის, რომ ორივე პასპორტი ჩამორთმეული ჰქონდა, ქვეყნის დატოვება მოახერხა.

“სისტემა არის მორყეული, არ მუშაობს და არის ძალიან ბევრი ხვრელი, ადამიანები, რომლებიც მასში არიან, არ არიან მოტივირებულები, რომ ბოლომდე გააკეთონ საქმე. მე სისტემაში არსებული ხვრელები და მათ შორის ადამიანებიც გამოვიყენე“, – ამბობს ის.

ბაჩიაშვილის თქმით, “სისტემაში, რომელსაც  ივანიშვილი აშენებს, აღარ რჩება ჭკვიანი ადამიანი, ყველა იმაზეა მოტივირებული, რომ ივანიშვილი არ გააბრაზონ.“

ჟურნალისტის კითხვაზე, ხომ არ მოხდა ეს ბიძინა ივანიშვილთან გარიგების სანაცვლოდ, ბაჩიაშვილი აცხადებს, რომ “მისი და ივანიშვილის გარიგება შეუძლებელია“

ჩემი და ივანშვილის გარიგება იყო და არის შეუძლებელი. მე მას ყველანაირ გარიგებაზე უარი ვუთხარი, პირველ დღეს, როდესაც მე მას შევთავაზე მცირე თანხა, შემდეგ 6 თვეში, მის წარმომადგენელს ვუთხარი, რომ თანხაზე საერთოდ არ იქნება საუბარი-თქო და არც იქნება, მე არცერთ თეთრს არ გამოვაძალინებ ივანიშვილს. სამწუხაროა, რომ ადამიანები მას ურიგდებოდნენ, როდესაც პოლიტიკაში იყო და ეს არ შეიძლება, ერთხელ და სამუდამოდ უნდა დასრულდეს. ეს კაცი არის ბოლომდე გაშიშვლებული, მაგრამ მე არ დავანებებ თავს ჩემი სიმართლის დამტკიცებას და ასევე ვიზრუნებ, რომ ყველას გავაგებინო, რა ადამიანია ივანიშვილი“, – ამბობს ბაჩიაშვილი.

The post როგორ დატოვა გიორგი ბაჩიაშვილმა საქართველო – ბიზნესმენის პირველი კომენტარი appeared first on .