“რუსეთს ვინღა კითხულობს, ვისაც არ ეზარება ყველა ჩვენზე ძლიერია…” – ლაშა ძებისაშვილი

სააგენტო "პარალელი"
“რუსეთს ვინღა კითხულობს, ვისაც არ ეზარება ყველა ჩვენზე ძლიერია…” – ლაშა ძებისაშვილი

,,საქართველოს უნივერსიტეტის” პროფესორი, ლაშა ძებისაშვილი სოციალურ ქსელში სტატუსს აქვეყნებს, სადაც საუბრობს საქართველოს თავდაცვისუნარიანობაზე მომდინარე საფრთხეებიდან გამომდინარე:

,,სამშობლოს ღალატის მუხლიო და რა მაინტერესებს იცით? აი, 2008 წელს, როცა ოკუპაცია განახორციელა რუსეთმა ჩვენი, გაჩერდა და საბოლოო ოკუპაცია გადადო დროებით… აი, მაშინ ჩვენი თავდაცვის ბიუჯეტი დოლარებში სადღაც 900 მილიონი იყო.

მას მერე ჯერ 2014-ში და მერე 2022-ში როცა იცი მკაფიოდ, რომ უკრაინის შემდეგ შენ ხარ რიგში, რომ კრემლმა დაგიპყროს, აი ამის ფონზე და ამ პერიოდში საოცრება ხდება. იმის მაგივრად, რომ ჯარი გაორმაგებულიყო და თავდაცვის ბიუჯეტი საფრთხის ადეკვატური გამხდარიყო, ჰოი საოცრებავ და ბიუჯეტმა ბოლო 16 წლის განმავლობაში კი არ მოიმატა, არამედ რადიკალურად იკლო და 2013 წლიდან დღემდე სტაბილურად 350-400 მილიონ დოლარი შეადგინა. რა თქმა უნდა, არც ჯარი გაზრდილა.

ანუ რუსი ღიად აცხადებს ამ ქვეყნებს დავიპყრობო (საქართველოს და უკრაინას) და აქ კიდევ ყურს არავინ იბერტყავს ლამის ათწლეულები უკვე.

ამ დროს აზერბაიჯანი ჯარით ყარაბაღს იბრუნებს და მისი თავდაცვის ბიუჯეტი ჩვენსაზე ათჯერ მეტია. სომხებისას სამჯერ მეტი.

ხოდა რუსეთს ვინღა კითხულობს, ვისაც არ ეზარება ყველა ჩვენზე ძლიერია…”, – წერს ლაშა ძებისაშვილი.

ავტორი
ნინი ხიჯაკაძე

“რუსეთს ვინღა კითხულობს, ვისაც არ ეზარება ყველა ჩვენზე ძლიერია…” – ლაშა ძებისაშვილი
პარალელი