“ტრამპი რუსეთის მახეში არ გაემბმება… კონგრესი გაზრდის ზეწოლას, რომ რუსეთს სანქციები დავუწესოთ” – რუბიო
აშშ-ს სახელმწიფო მდივანმა, მარკო რუბიომ თქვა, რომ კონგრესის მხრიდან გაიზრდება ზეწოლა, რომ რუსეთს სანქციები დაუწესდეს, ტრამპის ადმინისტრაცია კი “მას ვერ შეაჩერებს”, თუ “მშვიდობის გზაზე არანაირი პროგრესი” არ იქნება. ამის შესახებ რუბიომ ბრიუსელში NATO-ს საგარეო საქმეთა მინისტრების შეხვედრის შემდეგ გამართულ პრესკონფერენციაზე ილაპარაკა. “მშვიდობა ნიშნავს, რომ ერთმანეთისთვის სროლას წყვეტთ. ამდენად მარტივია. რა თქმა უნდა, საბოლოო მშვიდობისთვის მრავალნაირი პირობები არსებობს […] The post “ტრამპი რუსეთის მახეში არ გაემბმება… კონგრესი გაზრდის ზეწოლას, რომ რუსეთს სანქციები დავუწესოთ” – რუბიო appeared first on .
აშშ-ს სახელმწიფო მდივანმა, მარკო რუბიომ თქვა, რომ კონგრესის მხრიდან გაიზრდება ზეწოლა, რომ რუსეთს სანქციები დაუწესდეს, ტრამპის ადმინისტრაცია კი “მას ვერ შეაჩერებს”, თუ “მშვიდობის გზაზე არანაირი პროგრესი” არ იქნება.
ამის შესახებ რუბიომ ბრიუსელში NATO-ს საგარეო საქმეთა მინისტრების შეხვედრის შემდეგ გამართულ პრესკონფერენციაზე ილაპარაკა.
“მშვიდობა ნიშნავს, რომ ერთმანეთისთვის სროლას წყვეტთ. ამდენად მარტივია. რა თქმა უნდა, საბოლოო მშვიდობისთვის მრავალნაირი პირობები არსებობს და ორივე მხარესთან უნდა ითანამშრომლო. დასაწყისშიც ვთქვი, რომ ომი მხოლოდ მოლაპარაკებების შედეგად მიღებული შეთანხმებით სრულდება. თუ არ არის უპირობო დანებება, მაშინ ორივე მხარე დათმობებზე უნდა წავიდეს. არ ვაპირებთ, რომ წინასწარ განვსაჯოთ, რა არის ეს დათმობები, რადგან ისინი დამოკიდებული იქნება იმაზე, რას დათანხმდება უკრაინა და რას დათანხმდება რუსეთი. თუმცა, მშვიდობისაკენ კონკრეტული ნაბიჯები უნდა გადავდგათ.
ჩვენ არ გვაინტერესებს – და მე ამაში არ ვადანაშაულებ, უბრალოდ გეუბნებით – რაც ჩვენ არ გვაინტერესებს, ეს არის მოლაპარაკებები მოლაპარაკებების შესახებ, ამის გაგრძელებას სამუდამოდ არ ვაპირებთ. არაფერი არ ყოფილა მუქარის შემცველი, უფრო მეტად იმის ახსნა იყო, რომ ჩვენს დროში და რაღაც ეტაპზე აშკარა იქნება, გინდა თუ არა მშვიდობა და ეს დრო მოდის. საკმაოდ ცოტა დარჩა. ამავდროულად, როგორც უკვე იხილეთ, კონგრესის წევრებმა სანქციების გასამკაცრებლად კანონპროექტების ინიცირება დაიწყეს. ამიტომ, კაპიტოლიუმისგან ზეწოლა გაიზრდება, რომ რუსეთს სანქციები დავუწესოთ, რასაც ვერ შევაჩერებთ, თუ, რეალურად, მშვიდობისკენ გზაზე არანაირი პროგრესი არ გვექნება”.
ამავე პრესკონფერენციაზე რუბიომ თქვა, რომ მალე გაიგებენ, მართლა სურს თუ არა რუსეთს მშვიდობა და თუ მოსკოვი ვითარებას სტრატეგიულად აჭიანურებს, პრეზიდენტი დონალდ ტრამპი მათ მახეში არ გაებმება. რუბიომ ხაზი გაუსვა, რომ თუ რუსეთი მოლაპარაკებებს გააჭიანურებს, პრეზიდენტი ტრამპი ამით დაინტერესებული არ იქნება.
წყარო – ტაბულა
The post “ტრამპი რუსეთის მახეში არ გაემბმება… კონგრესი გაზრდის ზეწოლას, რომ რუსეთს სანქციები დავუწესოთ” – რუბიო appeared first on .
What's Your Reaction?
