ჩვენი ამოცანაა, რომ ყველა სამსახურმა იმუშავოს გამართულად, არცერთი ოჯახი არ დარჩეს შესაბამისი ყურადღების გარეშე - თორნიკე რიჟვაძე
აჭარის მთავრობის თავმჯდომარე თორნიკე რიჟვაძემ რეგიონში დიდთოვლობის გამო შექმნილ ვითარებასა და შესაბამის სამუშაოებზე ისაუბრა. მისივე თქმით, მთავრობის ამოცანაა, რომ ყველა სამსახურმა იმუშავოს გამართულად, რომ არცერთი მოქალაქე, არცერთი ოჯახი არ დარჩეს შესაბამისი ყურადღების გარეშე. „ჩვენი ამოცანაა, რომ ყველა სამსახურმა იმუშაოს გამართულად და არც ერთი მოქალაქე, არც ერთი ოჯახი არ დაგვრჩეს შესაბამისი ყურადღებისა და მზრუნველობის გარეშე. დამატებითი სპეც-ტექნიკა მუშაობს ხელვაჩაურის მუნიციპალიტეტში. იქ ნაკლებია ელექტრო მომარაგების არსებული პრობლემები, თუმცა გამოწვევად რჩება გადაადგილება. გზების გაწმენდის სამუშაოები ინტენსიურად მიმდინარეობს. მთავარი ამოცანაა, რომ ხვალისთვის ბათუმში ტრანსპორტი აღდგეს და სასწავლო პროცესი დაუბრუნდეს ნორმალურ მდგომარეობას. რაც შეეხება დანარჩენ მუნიციპალიტეტებს უკვე შემდგომ დღეებში შესაძლებელი იქნება, რომ იქაც პროცესი თანმიმდევრულად აღდგეს. ბათუმში ყველა ძირითადი მომსახურების მიწოდება მაცხოვრებლებისთვის შეუფერხებლად ხდება. ეს ეხება, როგორც ელექტრომომარაგებას, ასევე გაზომარაგებასა და წყალმომარაგებას. გუშინ იყო გარკვეული პრობლემები, თუმცა, შესაბამისმა სამსახურებმა დროულად და ეფექტურად იმუშავეს და წყალმომარაგება სრულად აღდგენილია",- განაცხადა თორნიკე რიჟვაძემ.
აჭარის მთავრობის თავმჯდომარე თორნიკე რიჟვაძემ რეგიონში დიდთოვლობის გამო შექმნილ ვითარებასა და შესაბამის სამუშაოებზე ისაუბრა.
მისივე თქმით, მთავრობის ამოცანაა, რომ ყველა სამსახურმა იმუშავოს გამართულად, რომ არცერთი მოქალაქე, არცერთი ოჯახი არ დარჩეს შესაბამისი ყურადღების გარეშე.
„ჩვენი ამოცანაა, რომ ყველა სამსახურმა იმუშაოს გამართულად და არც ერთი მოქალაქე, არც ერთი ოჯახი არ დაგვრჩეს შესაბამისი ყურადღებისა და მზრუნველობის გარეშე.
დამატებითი სპეც-ტექნიკა მუშაობს ხელვაჩაურის მუნიციპალიტეტში. იქ ნაკლებია ელექტრო მომარაგების არსებული პრობლემები, თუმცა გამოწვევად რჩება გადაადგილება. გზების გაწმენდის სამუშაოები ინტენსიურად მიმდინარეობს. მთავარი ამოცანაა, რომ ხვალისთვის ბათუმში ტრანსპორტი აღდგეს და სასწავლო პროცესი დაუბრუნდეს ნორმალურ მდგომარეობას. რაც შეეხება დანარჩენ მუნიციპალიტეტებს უკვე შემდგომ დღეებში შესაძლებელი იქნება, რომ იქაც პროცესი თანმიმდევრულად აღდგეს.
ბათუმში ყველა ძირითადი მომსახურების მიწოდება მაცხოვრებლებისთვის შეუფერხებლად ხდება. ეს ეხება, როგორც ელექტრომომარაგებას, ასევე გაზომარაგებასა და წყალმომარაგებას. გუშინ იყო გარკვეული პრობლემები, თუმცა, შესაბამისმა სამსახურებმა დროულად და ეფექტურად იმუშავეს და წყალმომარაგება სრულად აღდგენილია",- განაცხადა თორნიკე რიჟვაძემ.
What's Your Reaction?
